10. Цвет пред свет
Излегол пред свет еден цвет
за да ја прикаже својата
воздишка радосна
дека не му требало
многу време
од семе до корен сосе роса
и човештина.
Се разбира, не излегол сам,
ами излегле пред свет
други заедно со него;
придружувајќи го во играта
со својата сенка,
поддржувајќи го на ветер
тивок, спокоен, свежест
неговиот опстој до венење.
Знае дека исто како досега
нема да трае долго,
а само додека не го обземе
мрачнина пустинска.
