Потребно време за читање: 2 минути

22. Исполнителни

Знајни се од сите како мошне успешни и влијателни зашто се секогаш опкружени со исполнителни луѓе. Помеѓу нив најбројни средовечни, па млади, а само неколцина при крајот на работниот век.  Значи кои доследно, одговорно и докрај ги извршуваат своите обврски.

Сите внимание најмногу им укажуваат на две неспорни творечки личности-Јован Крајчески и Ивана Борјанова. Крајчески е светски познат скулптор, на свои шеесет и осум години, автор на голем број монументални скулптури изложени на отворено, под ведро небо во многу светски метрополи, а Борјанова е сопственик на мала компанија за компјутерско програмирање, во областа на аутсорсингот.

Јован Крајчевски има тројца постојани и од петмина до оссумина повремени исполнителни соработници. Првите заедно со него ги изработуваат скулптурите од скица до завршно обликување и поставување на основа, во последно време најмногу мраморни и месингани, а вторите ги ангажира при поставување на постојано место, во соодветен амбиент, или при отворање изложба. Сите меѓусебе се познаваат добро, па исполнителноста им е целосна, навремена, ефикасна и беспоговорна.

Прочитај и за ... >>  ПРОБЛЕСОК ВО МИСЛАТА

Ивана Борјанова, пак, има вработено дванаесетмина програмери. Од нив тројца се средовечни. Сите се исполнителни беспрекорно, и таа заедно со нив. Голем дел од работното време го споделуваат меѓусебно, а неретко и од слободното. Тоа е разбирливо со оглед на природата на работата, но и поради непосредната поврзаност на идеите, решенијата, особено при реализацијата на проектите.

За некои е очекувана, а за многумина изненадна заедничката работа, на Крајчевски, Борјанова и нивните исполнители, на проектот „Уметничка инсталација за простор кој е и голем и мал, а е нераскинливо соодносен со животноста на мраморни и месингани луѓе во минатото со вградена сегашност“.

Станува збор за плоштад кој ту се зголемува ту се смалува во постојан и неменлив ритам, со осум грамадни фигури на безлични мажи, жени и деца кои се движат следејќи ја сончевината, а чии сенки ту се издолжуваат ту прават голем круг околу песочен часовник. Од внатрешноста на мала бездна крај обелиск, испишан со писмо на мртов јазик, се слуша посмртна музика.

Прочитај и за ... >>  ПРОБЛЕСОЦИ ВО МИСЛАТА VIII

Проектот треба да биде поставен за два месеца на брегот на Бујна река.

(Автор на инсталацијата: Филип Бисли, Белгија)

LEAVE A REPLY

Please enter your comment!
Please enter your name here