7. Досег
Нема
потаму од овде?
Нема одовде?
Јас велам има!
Зашто небо ведро
дење
и небо ѕвездено
ноќе
се уште над мене,
а меѓу нив и мене
тишина која ни збор
каков било,
ни допир ни трепет
од него, со него,
може во него
не ја нарушува.
И велиш дека има
потаму од овде?
Велиш има одовде?
Велам има
зашто во мене,
зашто од мене
за секој што може
уште да ме следи
во чекор, во здив,
секое рано утро
заигрувам игра
на живот, на рожба,
на наши потомци
и предци.
