218. Прекуноќно богатење
Не може да станеш богат преку ноќ, освен незнаен да те избере случајно и да ти го подари богатството оти нема никој свој.
219. Годините живот
Човек во години има доволно, не многу години.
220. Пред скорашна неминовна смрт
Конечно смирение на душата по последно дело од љубов за љубов и незаборав.
221. Учење до смрт
Човек се учи да живее до смрт.
222. Мигновена убост
Во миг што трае сретив една убост.
223. Човештина за човек
Човештината човек лесно ја препознава, ја прифаќа и ја брани.
224. Жизненост
Траам додека траам.
225. Ти
Помоли му се на Господ за мене-да бидам со мојата непорочна љубов и по смртта.
226. Заборавот
Заборавот е најмоќно оружје на безимен силник.
227. Највозвишени доблести
Човекољубието, чесноста, вербата и достојноста се највозвишени доблести на творечкиот дух.
228. Жално
Сè помалку наше време за паметење.
229. Единствен
Творечкиот дух секогаш за сите и со сите.
230. Несопирливо?!
Се случува што е смислено за туѓи интереси и цели.
231. Замислено
Ех кога сè би зависело од независни.
232. Будалаштина
Ме следат?! А зошто!?
233. Парадокс
Во светот си знаен и значаен, а дома не. Светот ти го цени и почитува делото, а дома тоа ти е непризнаено, омаловажено, премолчено.
234. Неодминлив
Стожерен меѓу големци и дребнави.
235. Богатство
Моето грандиозно мислечко и книжевно дело е моето единствено богатство.
236. Радување
Се радувам на сечие дело со свет и време различни од моите.
237. Собитијата
Не е време ни за плачење ни за смеење, туку за своја борба. Се разбира, и за заедничка.
238. При будење во зора
При секое будење во зора најпрвин станувам и се исправам на свои нозе.
239. Под притисок
Годините ме притискаат да брзам едновремено кон крај и нов почеток.
240. Еден сомнеж
Само творечкиот сомнеж поттикнува искачување до нови творечки височини.
241. Без престан
Кој за што, јас без престан за ништо.
242. Стравување
Се плашам дека утре ќе биде предоцна за денес.
243. Загриженост
Среќавам луѓе што се откажале од ситни задоволства во животот.
244. Неверувањето
Не си веруваш ни на себеси, штом не му веруваш никому.
245. На удар
Во и од „гнилиот Запад“ први на удар се моралните вредности.
