29. Вредност
Македонски народни пословици
Високо дрво плод нема.
Шипје и глоѓе не раѓат грозје.
Пословици од народите на светот
Многу плевел-малку леб, многу зборови-малку мудрост. (Арапска)
Две нешта ја откриваат својата вредност кога ќе ги изгубиме: младоста и здравјето. (Арапска)
Глушецот го прими исламот, но ниту бројот на муслиманите се зголеми, ниту бројот на христијаните се смали. (Арапска)
На неплодно дрво никој не фрла камен. (Јеменска)
Сребреното седло не го прави коњот добар. (Српска)
Најскапо е она што не е за продажба. (Српска)
Магарето останува магаре и под свилено седло. (Турска)
Калта може бисер да извалка, но не може да го претвори во кал. (Кинеска)
Човекот по смртта го остава своето име, а тигарот својата кожа. (Корејска)
Латински изреки
(Да се фрлаат) бисери пред свињи. (Margaritas ante porcos.)
Цени го стеблото според овошјето, а не според лисјето.
Она што на почетокот е ништовно, секогаш ќе остане ништовно.
Домисла, гесло, мисла водилка
Чудно е тоа како нулата ставена на крајот ја зголемува вредноста.
„Непшабадсаг“
Рекле, издумале
Високите квалитети на некој човек можат да бидат пречка за неговиот прием во општеството. На пазар не носиме златен лост, туку ситни пари.
Николас Себастијан Шамфор
За да се признае туѓа вредност треба да се има сопствена.
Артур Шопенхауер
Кога спомениците ќе бидат поретки, ќе бидат повредни.
Станислав Јержи Лец
Не се согласувам со математиката: сметам дека збирот нула дава опасен број.
Станислав Јержи Лец
Сè што може да се прибави без работа и труд нема вистинска вредност.
Џозеф Адисон
Плагијатот е најискрен облик на признание на вредност.
Марион Францис
Дури и влакното има своја сенка.
Публилиј Сириј
Нема лесно да го сочуваш за себе она што им се допаѓа на многумина.
Публилиј Сириј
Нештата вредат онолку колку што им придаваме значење.
Андре Жид
Да се има вредност и да се знае да се покаже, значи да се има двојна вредност.
Балтазар Моралес а Грацијан
Вреди само она што е совршено и успеало само она што е долговечно.
Балтазар Моралес а Грацијан
Кога ќе видите дека некого огорчено и бесно го напаѓаат секакви луѓе, служејќи се со сите средства, бидете убедени дека тој човек нешто вреди.
Шарл-Огистен Сент-Бев
Вистинската вредност не знае за извештаченост.
Вилјем Шекспир
Правилната комбинација на вистинската вредност и елегантноста единствено ја создава џентлменот.
Конфучиј
За човек да нема непријатели, мора да вреди мошне малку. Поради тоа никому не му препорачувам да се фали со тоа.
Алфред Бужар
Човековата вредност е во оние малку нешта што ги создал, а не во многуте што ги собрал.
Калил Џибран
Ние го привлекуваме она за што чувствуваме дека сме вредни.
Роберт Ентони
И најлошиот човек има своја вредност зашто делува како застрашувачки пример.
Сомерсет Могам
Највносно би било да се купуваат луѓе за онолку колку што навистина вредат, а да се продаваат за онолку колку што тие мислат дека вредат.
Шарл Морис де Талеран‑Перигор
