135. Опасност
Во опасност сме на секој чекор, во секој миг, постојано? Не, ами секогаш кога откриваме, создаваме, совладуваме или освојуваме. И тоа не подеднакво. Во најголема сме во пресвртни, радикални промени. Сеедно дали се однесуваат на нас или на други.
Опасноста најчесто ја изедначуваме со загрозата, а не треба. Треба да ја познаваме и препознаваме најмногу како предизвик на храброста.
Македонски народни пословици и изреки
Ти се прави пријател, а ти е најголем непријател.
Опасноста ме научи и ме учи.
Варди се од непријател што се преправа дека е мртов.
Овците се овци и кога се без овчар.
Покажи се оти си храбар победувајќи го стравот од опасност.
Без школо глупавите деца се поопасни од паметните.
Биди мртов ладен пред опасност, до кај што можиш да издржиш.
Опасно е да мислиш оти ќе најдиш скрито и безбедно место.
Пословици и изреки од народи на светот
Огнот и славата не можат да стојат близу. (Српска)
Опасно е да се доверуваш. (Руска)
Опасност го демне оној што ќе ѝ го грабне младенчето на тигрицата,а го демне и оној што ќе распрсне заблуда во жената. (Африканска)
Опасност те демне од шумата на желбите. (Индиска)
Поопасен е непријателот за кој не се сомневате. (Италијанска)
Помалу опасен е непријателот за кој не знаете ништо. (Германска)
Опасен е човек кого сте го натерале да се срами. (Кинеска)
Човек без страв во дело е многу поопасен од страшливец. (Француска)
Те демнат секакви опасности на непознат пазар. (Француска)
Опасни се празните места што ги оставиле исчезнати вистини. (Шпанска)
Моќта е дрога како пламен од свеќа за пеперутка. Луѓето ги привлекува моќта и забораваат на опасноста. (Американска)
Најопасни се губитниците. Тие на крајот нема што да изгубат. (Турска)
Латински изреки
Ханибал е пред врата (буквално значење) Настапила опасност. (Hannibal ante portas.)
Внатре, внатре е тројанскиот коњ (т.е. опасноста е близу). (Intus, intus est Troianus equus.)
Мудриот човек избегнува опасност.
Плашливецот се плаши пред опасност; подлецот во опасност, одважниот човек по опасност.
Во крајна опасност е дозволено да се употребат и крајни средства.
Опасноста минува побрзо ако се пренебрегнува. (Citius venit periculum, cum contemnitur)
Заедничката опасност мора да биде одбиена со согласност. (Commune periculum concordia propulsandum.)
Смелоста расте при опасност. (Crescit in adversis virtus.)
Змија во тревата (скриена опасност). (Angius in herba.)
Ако ти е соседот во опасност, заплашен си и ти. (Iam proximus ardet.)
Никогаш опасноста не се надминува без опасност. (Nunquam periclum sine periclo vincitur.)
О најстрашна опасност кога си сокриена! (O pessimum periculum, quod opertum latet!)
Опасно е и да веруваш и да не веруваш. (Periculosum est et credere et non credere.)
Опасно е да се чувствуваш безопасно при опасност. (Periculum est in periculo securum esse .)
Работата не трпи одлагање. (Periculum in mora.)
Најопасен е оној ѓавол што се прави пријател. (Simulans amicum inimicus inimicissimus.)
Земја кај што има лавови (опасно место). (Terra ubi leones.)
Волкот е опасен за шталата. (Triste lupus stabulis.)
Домисла, гесло, мисла водилка
Најопасно од сè е да се прескокне бездна во два скока.
Анонимус
Со опасноста расте можноста од спасение.
Анонимус
Секогаш треба да играте спротивно од правилата, бидејќи живот без опасност не е живот.
Анонимус
Човек навистина треба да внимава со луди луѓе. Тие се или опасни или токму луѓе со кои сакате да комуницирате.
Анонимус
Мудрите и учените оставаат многу книги за да ги осветлат кривите и опасните патишта на нашиот живот како со факел.
Анонимус
Рекле, издумале
Кој разгорува кавга меѓу луѓето, нека не заборави дека на човек кој разгорува оган лесно може искра да му падне в очи.
Луциј Анеј Сенека
На човекот секој ден му се заканува опасност од човек.
Луциј Анеј Сенека
На секој врв се наоѓаме над провалија.
Станислав Јержи Лец
Ништо не е толку моќно што да не му се заканува опасност од слабо.
Квинтиј Курциј Руфус
Од застоена вода очекувај отров.
Вилјем Блејк
Пред да се фрлиме во опасност, треба да ја предвидиме. Но, кога сме веќе во неа, треба да ја презреме.
Франсоа д Салињак Фенелон
Треба да се вардиме повеќе од себеси, одошто од своите непријатели.
Јован Дучиќ
Само во опасност можеш да ја искусиш својата постојаност, зашто е таа камен на искушението за душата и телото.
Мохамед Икбал
Кој никогаш не бил во опасност, не може да ја знае својата храброст.
Наполеон I Бонапарта
Најопасно оружје-тоа се луѓето од мал калибар.
Виеслав Бруџински
Да се оди право на опасност, дури да се бара таа, да се влезе во неа; тоа значи да се ослободиш.
Иво Андриќ
„Секогаш“ е опасен збор на кој било јазик.
Хелен Гурли Браун
И животот не е интересен без опасности!
Дејвид Алмонд
-Изгледа многу убаво.
-Да. Опасните работи често го имаат тој квалитет.
Волтер Моерс
Секогаш е опасно да се прогласи пресврт во историјата. Секогаш имаме тенденција да чувствуваме дека кога сме живи, се случува нешто навистина големо.
Томас Фридман
Секогаш ја чувствуваш опасноста затоа што секогаш можеш да бидеш предмет на неочекуван или итен настан.
Феликс Баумгартнер
Во науката, како и во политиката или економијата, идеите што ја надживеале својата корисност се голема опасност.
Стивен Вајнберг
Во нашево време, суверената држава стана смртна опасност за човечката цивилизација бидејќи техничкиот развој ѝ дозволува да користи бесконечен број и разновидни средства за уништување.
Кристијан Лоус Ланге
…главна опасност за човекот е самиот човек.
Роберт Хајнлајн
Нема ништо поопасно во општеството од личност без карактер.
Жан Лерон д’Алембер
Нема ништо поопасно за човечкиот ум од манијакална идеја.
Теодор Драјзер
Нема ништо поопасно на светот од искреното незнаење и совесната глупост.
Мартин Лутер Кинг
Авторитетот е определен од Бога, но авторитаризмот и бруталната сила, во речиси сите облици, се опасни.
Џејмс Добсон
Моќта не корумпира ако сфатиш колку е опасна и со каква огромна одговорност е придружена.
Андре Нортон
…од сите можни економии, најскапа и најопасна за државата е контра-шпионската економија.
Владимир Богомолов
…сличноста е најопасна реторичка форма. Пазете се од споредби во текот на животот и прибегнувајте кон нив само во екстремни случаи.
Жил Верн
Вистината е опасна, но чесен човек не може да ја изрази: тука е потребна уметност.
Балтазар Грацијан
Кога војната станува бескрајна, таа престанува да биде опасна.
Џорџ Орвел
Кога животот го загрозува постојана опасност, тогаш сите задоволства и забави ја губат својата цена.
Хенри Рајдер Хагард
Кога не можете да донесете тешка одлука за доброто на другите, ги изложувате сите ви опасност.
Џенифер Албин
Вистинската храброст не се состои во тоа да бидеш нечувствителен на опасност, туку во тоа да бидеш брз да се соочиш со неа и да ја разоружаш.
Волтер Скот
Вистинската опасност за модерната цивилизација лежи токму во фактот што луѓето изгубиле секаква верба во апсолутната вредност на принципите до кои таа се придржува.
Густав Лебон
Вистинската опасност никогаш не била елиминирана со зборови и теории.
Лев Шестов
Војната е опасно поле, а храброста е најважниот квалитет на војната.
Карл фон Клаузевиц
Вистината е секогаш опасна ако може да боли.
Морган Родос
Внимателноста е важна, но мрзеливоста е опасна.
Ричард Бренсон
…слободата е најопасна илузија за сирак.
Џон Ирвинг
Во науката, како и во животот, хипотезите се секогаш опасни.
Албер Ками
Полесно е да се остане надвор од опасност, одошто од неа да се извлечеш.
Марк Твен
Октомври е еден од најопасните месеци во годината за играње на берзата. Останатите опасни месеци се: јули, јануари, септември, април, ноември, мај, март, јуни, декември, август и февруари.
Марк Твен
Постои опасност да очекуваме резултатите од иднината да бидат предвидени од минатото.
Џон Кејнс
Постојат одредени вистини кои сами по себе се опасни како и секоја напредна технологија.
Алистер Рејнолдс
Има луѓе кои мислат и има луди луѓе. Но, најопасни од сите се оние кои мислат на другите.
Хорас Сафрин
Сакам да бидам страстен за нештата и да го хранам мојот ум и да патувам низ светот. Претпочитам да бидам мрачно и опасно среќен, како да живеам на сечиво на нож, отколку да го изгубам патот и да ја заборавам својата природа.
Пола Меклејн
…вознемирувачка, опасна неизвесност. Кој е таму-луѓе, механизми, кукли, духови?
Салвадор Дали
…соништата не се опасни ако не нè возбудуваат додека не ги прифаќаме како реална можност. И ако дозволиме тие да се остварат, самите сме виновни…
Џонатан Керол
Секој од нас што знае дека смртта е секогаш близу и се навикнува на неа, знае храбро да се соочи со секоја опасност.
Виталиј Мелентиев
Секогаш кога ќе успеете да избегате од опасноста, ќе зграпчите парче среќа од судбината.
Тим Паркс
Секој научник знае дека една од најголемите опасности во истражувањето е желбата да се најде конкретен одговор.
Брендон Сандерсон
Секое лице кое се придржува до апсолутните стандарди на доброто и злото е опасно.
Том Робинс
…успехот станува опасен кога ќе престанете да се сомневате во себе.
Грегоар Делакур
…флертувањето, иако е пријатна активност, е опасно-може да доведе до непредвидливи последици.
Христос Циолкас
Наполеон ни покажа пример колку е опасно да се издигнеме во царството на апсолутното и да жртвуваме сè за реализација на некоја идеја.
Јохан Питер Екерман
Апсолутите се апсолутно опасни.
Џејмс Типтри младиот
Сите времиња се опасни времиња.
Тереза Авилска
Сите живи суштества чувствуваат страв во момент на опасност. Храброста е способност да го надминете стравот.
Лајман Френк Баум
Сите заедно со години знаеме дека теророт е најопасна работа за локалната, регионалната и меѓународната стабилност.
Ариел Шарон
Ако живеете близу до опасност, најглупаво е да ја избегнувате.
Елена Михалкова
Ако се најдете во опасност, или умирате или бегате.
Халдор Лакснес
Ако имаш тајна, блиските односи со луѓето се опасни.
Даглас Адамс
Ако сакате да живеете вечно, вие сте ужасно опасни зашто не живеете сега.
Џоана Рас
Без добра комуникација, врската е само празен сад што ве води на фрустрирачко патување исполнето со опасности од збунетост, проекција и недоразбирање.
Чери Картер-Скот
Без желба би биле обесхрабрени, а без страв не можеме да се заштитиме од претстојната опасност.
Кели Мекгонигал
Без мозок парите се секогаш опасни.
Наполеон Хил
Во шахот, како и во животот, човекот си е најлошиот противник.
Василиј Смислов
Вашиот живот во која било дадена минута е патување на херој, вашиот момент на вистината опасен, блиску до смрт.
Даниел Милман
Беспомошноста на море е исто толку опасна како и беспомошноста на копно.
Пјотр Столипин
Безнадежен човек е многу очаен и опасен човек, речиси мртов човек.
Роберт Кенеди
Невидената дебелина на овој извештај го штити од опасноста од читање.
Винстон Черчил
Недискрецијата секогаш води до опасни последици.
Ежен Јонеско
Ако малото знаење е опасно, каде е човекот кој има толку многу што да е надвор од опасност?
Томас Хаксли
Ако не можете да бидете критикувани, тоа е многу опасно.
Џејмс Дјуи Вотсон
Во светот на зависноста од коцкање, среќата на почетниците е сериозна опасност.
Адам Алтер
Во правосудниот систем постои опасност да не се земат предвид околностите.
Ерика Јохансен
Ако не можете да дејствувате во опасна комбинација на овие конфликтни сили, морални и поетски, повлечете се. Наводнувајте зелка во вашата градина и одгледувајте рози само на гробот. Затоа што розите се смртоносни за душата.
Данило Киш
Ако опасноста може да се предвиди, тогаш од неа не би требало да стравуваш.
Артур Конан Дојл
Ако пилотот верува во бесмртност, животот на патниците е во опасност.
Гилберт Честертон
Без образование, ние сме во страшна, смртна опасност сериозно да ги сфатиме образованите луѓе. Гилберт Честертон
Ако превратот е успешен, вие станувате национален херој, а ако тој се провали, вие сте опасен престапник.
Џефри Арчр
До одреден степен, литературата како кршење на границите на моралот е дури и опасна.
Жорж Батај
Во повеќето случаи, единствениот начин да се избегне опасната патека е да не направите ниту еден чекор по неа.
Авинаш Диксит
Во клучниот момент на опасност стравот го ослободува умот од донесување одлуки, тој самиот управува со ситуацијата.
Ерве Гибер
Постојат две најважни работи на светот-да се биде во опасност и да се спаси.
Ава Дилајра
Ако завршиш во Рајот без соодветни квалитети за него, постои опасност таму воопшто да не ти се допадне.
Џорџ Бернард Шо
Да барам живот полн со опасности и изненадувања, со задоволство би станал даночник.
Сајмон Грин
Ако мажот ја задржи својата храброст во време на опасност, има поголеми шанси да се спаси.
Хектор Мало
Ајкулата која е невидлива е секогаш поопасна од онаа што можеш да ја видиш.
Џефри Дивер
Скарлетната свила на женските мантили е поопасна дури и од најлутиот тигар.
Ингрид Паркер
Амбицијата без талент е најопасна работа на светот.
Колин МекКалоу
Навиката на опасност му додава храброст на храбриот, но го прави помалку очаен.
Херман Мелвил
Надежта е опасна работа за научниците.
Френсис Хардинг
Најголемата опасност е паниката.
Рејчел Вард
Амбициозниот судија е опасно животно.
Марк Хименез
Архитектурата е многу опасна работа. Ако писателот напише лоша книга, луѓето нема да ја читаат. Но, ако правиш лоша архитектура, на едно место му наметнуваш грдотија сто години.
Ренцо Пијано
Бестрашен е само оној што не е свесен за опасноста.
Стефан Цвајг
Глупавиот соучесник е поопасен од паметниот непријател.
Тревањан
Тоа беше како закана од волци во овча кожа, кои толку длабоко потонаа во нивниот модус операнди што сега немаат поим што е „опасно“.
Џонатан Л. Хауард
Библијата е најважното дело во литературата, но кога луѓето умираат за зборови напишани на парче хартија-тоа е чудно и опасно!
Мерилин Менсон
Бог ни направи проводници на Неговата благодат. Опасноста е во мислењето дека проводникот мора да биде позлатен. Тоа не треба. Бакар ќе сврши работа.
Џон Пајпер
Сите открија дека трауматизираните луѓе продолжуваат да ослободуваат големи количини хормони на стрес долго откако ќе помине вистинската опасност.
Бесел ван дер Колк
Сите научници се малку опседнати. Опсесијата е опасна работа.
Антонија Сузан Бајат
Болката е многу корисна. Ве предупредува на опасност, ве учи за опасност и дава последици за вашите постапки.
Лиза Гарднер
Незадоволниот брат е најопасниот роднина што може да го имате.
Кенет Брана
Трчањето кон опасност е глупаво. … Но и затворањето на очите пред неа. Многу опасности стануваат помалку опасни откако ќе ги разберете нивните потенцијални опасности.
Брендон Мул
Бев среќен, можеби среќен како некогаш, а среќата може да биде опасна. Ги затапува сетилата.
Фил Најт
Во пеколот, смртта е најмала од опасностите.
Ричард Метисон
Во библиотеките постои опасност да станеме премногу оддалечени од реалниот свет, од обичните луѓе.
Марио Варгас Љоса
На долг рок, негувањето храброст е попаметен избор отколку бегањето од замислените опасности.
Стив Павлина
Има многу опасности во животот. Но, ако се плашите од опасности, тогаш нема да има победи и не вреди да се живее!
Василиј Јан
Во зоолошката градина има предатори и тревопасни животни. Но, разликата помеѓу опасните и питомите ѕверови е ефемерна.
Јухан Теорин
На Интернет треба да се однесувате како на опасно место.
Евгениј Касперски
Има многу примери во историјата каде рутинската употреба на фармацевтски препарати и други медицински интервенции се сметаат за „стандарди на грижа“ додека некој не докаже дека тие се неефикасни и опасни по здравјето.
Џозеф Меркола
Во подмолна и хиерархиска организација, единственото нешто поопасно од разоткривање на сопственото незнаење е привлекување внимание на глупоста на шефот.
Бен Мекинтајр
На крајот на краиштата, нема пороци поопасни од оние што имитираат доблести.
Еразмо Ротердамски
Во момент на најголема опасност секој е загрижен за себе.
Василиј Биков
Во моменти на опасност, смело следете ги поттикнувањата на внатрешниот глас.
Даниел Дефо
Сите чесни мажи се исто толку опасни колку што се безбедни никаквеците.
Роберт Мерл
Всушност, немам страв од опасност, освен во неговата апсолутна форма-теророт.
Едгар Алан По
Сета духовност е опасна, особено подвигот.
Ајрис Мардок
Секоја опасност се намалува доколку се знаат нејзините причини.
Конрад Лоренц
Сè е споредно, освен она што претставува опасност.
Мајкл Ондаџи
Сите ненадејни, нагли промени се опасни и штетни.
Хипократ
Секое место е опасно ако го водат идиоти.
Ен Тајлер
Сите живи суштества се во опасност-однатре и однадвор. Луѓето се опасни.
Урсула Ле Гвин
Сите внимателно гледаат напред и никој не разбира дека опасноста може да дојде одзади.
Џејмс Метју Бери
Во време на опасност, жените имаат навистина натприродна интуиција.
Кристофер Гортнер
Инспирацијата без памет е бескорисна и опасна, а поетот нема да може никого да зачуди ако самиот се восхитува на сè.
Новалис
Инспирацијата дава слика, но не ја поставува. И да се каже, тоа мора да се набљудува со цврсто трпение и без опасно пристрасен карактер на звучење на зборовите.
Федерико Гарсија Лорка
Откако влегов во бесконечниот меур на времето, сфатив дека вистинското чувство за опасност е моментален блесок кој е само доволен за да ја вклучи свеста.
Сузана Фортес
Размислувањето е опасно. Никогаш не знаеш каде ќе води. Подобро да не размислуваш воопшто.
Маркус Зусак
Мислите што водат до акции можат да бидат опасни. Мислите што не водат до нив не значат ништо.
Етери Чаланџија
Младите ретко размислуваат за опасности.
Волтер Скот
Одличното е секогаш опасно!
Евгениј Гуљаковски
Тој веќе не се плашеше од опасностите што демнат во темнината, тој самиот стана таква опасност.
Ен Рајс
Вечерта е опасно време. Понекогаш размислувањето за неа ве прави несреќен, исто како што размислувањето за линијата на хоризонтот секогаш буди соништа и спомени.
Сузана Фортес
Коњот во средината е непријатен и опасен на рабовите.
Јан Флеминг
Убавината може да биде опасна. Огнот е исто така убав, но ако невнимателно ракувате со него, може да ве изгори, па дури и да ве убие.
Џим Бучер
Културата е во опасност кога критиката ќе престане да биде слободна.
Андре Жид
Кај што е нарушен мирот, мирот насекаде е во опасност.
Френклин Рузвелт
Секаде каде што има живот, има и опасност.
Ралф Валдо Емерсон
Вештерка без љубов е опасна.
Алис Хофман
Го нарекувате опасно зло за да го оправдате вашето бегство од него.
Клифорд Самук
Вие сте опасна личност ако мислите дека со светот треба да владее правда, а не кралеви.
Хенри Рајдер Хагард
Гледате, стравот ни е подарок-ни помага да се држиме подалеку од опасноста, дури и кога не знаеме дека постои опасност. Само љубопитни никогаш го немале ова.
Виктор Метос
Секој експеримент е опасен.
Кристофер Прист
Секој може да се справи со опасност која трае десет секунди; но со онаа што трае со денови-речиси никој.
Бернардо Ачага
Иако начинот на одговарање на прашање со прашање е карактеристичен за сите жени на светот, го имам опасното чувство дека неа веќе еднаш сум ја сретнал.
Макс Фриш
Врховната уметност на животот се состои во комбинирање на најделикатните задоволства со постојаното присуство на опасност.
Силвен Тесон
Верувањето може да биде многу, многу опасно, и многу е зло да се влезе во чувствителната глава на невино дете.
Ричард Докинс
Секој момент е скок напред над невидлива карпа, каде што рабовите на времето постојано се обновуваат. Ги креваме нозете од цврстото тло на животот што го живеевме досега и го правиме следниот опасен чекор во непознато, во празен воздух. Ова го правиме не за да покажеме дека имаме посебна храброст, туку затоа што нема друг пат за нас.
Хан Канг
Согледувањето на личната опасност многу често ги поставува луѓето на патот на доблеста.
Дона Леон
Возбудата предизвикана од стравот е во сооднос не со опасноста, туку со нашето претчувство за неволјата од која се плашиме. Без разлика дали станува збор за реална или замислена.
Бернард Мандевил
Имагинацијата е опасна работа.
Рохинтон Мистри
Главна опасност во животот е тоа што преземате премногу мерки на претпазливост.
Алфред Адлер
Главната опасност за човештвото не е чудовиште или садист, туку нормална личност надарена со необична моќ.
Ерих Фром
Закон на политиката: поопасно е да се создадат четворица незадоволни отколку еден задоволен и тројца завидливи.
Гилберт Сесброн
Западното верување во универзалноста на западната култура страда од три недостатоци: тоа е лажно, тоа е неморално и е опасно.
Семјуел Хантингтон
Кога си во опасност, одново се чувствуваш човек.
Антоан де Сент Егзипери
Кога сте во опасност, сè добива посебна јасност.
Холи Блек
Кога научниците ја потценуваат сложеноста, тие стануваат плен на опасностите од несакани последици.
Сидарт Мукерџи
Запомнете што ви велам: никој на светот не може да ви наштети како роднините. Никој не може да ве посрамоти, да ве посочува и навредува како роднина. Велат дека е опасно да се влезе во весниците! Но, весниците се многу помалку опасни од роднините.
Бранислав Нушиќ
Затоа, да се игнорира постоењето на ирационалното е опасно.
Дона Тарт
Глобалното затоплување е јасна и присутна опасност за цивилизацијата.
Наоми Клајн
Глупавиот човек е најопасен тип на личност.
Карло М. Ципола
Големата опасност е секогаш поврзана со голема моќ. Разликата помеѓу големите и просечните е во тоа што големите се подготвени да ризикуваат.
Р.Ф. Куанг
Да се биде различен од нормата е опасна предност.
Натали Барни
Идеите се поопасни од куршумите. Тие едноставно не убиваат веднаш.
Џон Каценбах
Да се родиш во светот е главна опасност. Потоа играта е веќе во тек, во која сè е однапред одредено, а картите се делат.
Ирвинг Стоун
Малото образование е опасна работа.
Александар Поуп
Малиот е многу поопасен кога покрај себе има мускулест идиот.
Ден Симонс
Кукавички лидер е најопасна личност.
Стивен Кинг
Метафората е опасна работа. Метафората не е шега. Дури и од една единствена метафора може да се роди љубов.
Милан Кундера
Да се изгубиш себеси значи да се најдеш опасен.
Кларис Лиспектор
Губењето авторитет е опасна работа.
Филип К. Дик
Да се биде фаворизиран од тиранин е исто толку опасно колку и да се биде посрамотен од него.
Франсоа Шатобријан
Паѓањето во сопствена стапица е опасно и срамно.
Жил Верн
Зошто многу луѓе на позиции на моќ се обидуваат да ја поткопаат довербата на јавноста во изборите, судовите, медиумите и-за основното прашање за иднината на Земјата-науката? Зошто е дозволено да се развијат такви опасни расцепи меѓу богатите и сиромашните, урбаните и руралните, оние со високо образование и оние без? Зошто Соединетите Држави-барем привремено-се откажуваат од своето лидерство во светските работи?
Медлин Олбрајт
Колку повисоко кариеристот се качува по скалата, толку е поголема опасноста што му се заканува.
Јасунари Кавабата
Колку е поопасно вистинското јас, толку поелаборирани се маските. Колку е посилен отровот што сакаме да го фрлиме врз другите-да ги парализираме, да ги убиеме-толку е посладок нектарот со кој ги мамиме кај нас, да бидат блиску до нас, да нè сакаат.
Кони Палмен
Колку сте посилни, толку е поопасен светот за вас.
Шарлот Меконахи
Колку е поголема моќта, толку е поопасна нејзината злоупотреба.
Едмунд Бурк
Најголема опасност за државата е независната интелектуална критика.
Мареј Ротбард
Најсигурната и најкорисната храброст се раѓа од трезвено разбирање на претстојна опасност.
Херман Мелвил
Најопасен е оној што се плаши од сопствената сенка.
Филип К. Дик
Најсилните природи со обврска за правда се сметаат оние луѓе кои толку јасно ги знаат ужасите и задоволствата на животот, благодарение на што тие не отстапуваат пред опасностите.
Перикле
Колку повеќе опасности, толку повеќе слава.
Петар I Велики
Зошто тираните повеќе ги разбираат опасностите на демократската имагинација отколку што нашите политичари ја ценат нејзината неопходност?
Азар Нафизи
Се чинеше дека здравиот разум е опасно заразна болест.
Хенри Бим Пајпер
Да се постигне совршенство во работата, достигнувањето на границата е голема среќа, но заедно со тоа е и опасност.
Константин Паустовски
Доаѓа голема промена, а политичарите, самобендисаните научници и невнимателно виканите верски водачи можеби ќе сакаат, но никогаш нема да можат да го спречат. Не постои вакцинација против размислувањето. Идеите не познаваат граници и цензура. Освен тоа, идеите имаат опасна тенденција да се шират како шумски пожар.
Ерих фон Деникен
Науката, која е суштински рационална во своите основи и во нејзините методи, може да ги постигне своите најзначајни освојувања само преку опасните ненадејни скокови на умот, кога се манифестира способноста за ослободување од старите тешки размислувања; тоа се нарекува имагинација, интуиција, духовитост.
Луј де Бројл
Да го презираш она што не можеш да го постигнеш е опасна храброст.
Мишел де Монтењ
Ми се допаѓаат режисерите кои доаѓаат на снимање и создаваат нешто што е малку опасно, тешко или необично.
Елија Казан
Ладно срце и жешка глава… Опасна комбинација!
Хенрик Сјенкјевич
Луѓето не знаат колку можат да бидат опасни љубовните песни.
Џејмс Џојс
На светот му се закануваат две опасности: ред и неред.
Пол Валери
Демократијата ги третира интелигентните со недоверба: интелигенцијата може да биде опасна.
Вилхелм Швебел
Додека сме живи, ние сме во опасност.
Види Лиза
Дури и без суштествата кои живеат во неа, водата е опасна. Имаме амбивалентен однос со водата. Таа е извор на живот, таа е извор на храна, но таа е и извор на смрт ако не внимаваш.
Џереми Вејд
Егото е секогаш на штрек за опасностите што несвесното може да ги надмине. Може да се обиде да ги интелектуализира несвесните желби, да ги потисне, да ги проектира на другите или да ги негира.
Том Батлер-Боуден
Неукиот човек, според самиот факт на неговото незнаење, е многу опасен човек.
Хендрик ван Лун
Фрустриран идеалист е опасен идеалист.
Кнут Фалдбакен
Една од најголемите опасности на современото општество е оживувањето на идеите за контрола на човековата мисла.
Ричард Фајнман
Вие не помалку добро ја знаете опасноста со која е оптоварено совршенството-привлекува потсмев и потсмев.
Тереза Ен Фаулер
Знаењето е секогаш потенцијална опасност. Тоа е помоќно оружје од сечилото или магијата.
Маргарет Роџерсон
Ние сме во опасност само кога не ги знаеме плановите или мотивите на потенцијалниот противник. Или кога не ги знае нашите планови и се нервира.
Дејв Егерс
Никогаш не ги сакате вашите сакани повеќе отколку кога сте во опасност да ги изгубите.
Антон Павлович Чехов
Никогаш не се враќајте во минатото, тоа е опасно. Ако знаете, продолжете понатаму.
Роберт Редфорд
Опасни стапици за правдата-ова е предрасуда.
Жан Жак Русо
Опасните мисли се мисли кои го тераат мозокот да се движи.
Рјуносуке Акутагава
Опасно е да се наруши редот на нештата создадени од природата.
Жерар де Нервал
Но, ако сакаме да ја победиме темнината, мора да го најдеме нашиот сопствен пат кон светлината. Мора да ги следиме нашите срца и да ја прифатиме опасноста.
Кристин Хармел
Знаењето воопшто е опасно. Сетете се барем на Адам и Ева.
Дин Кунц
Така, луѓето со преголемо его кои се чувствуваат ранливи се најопасни.
Матје Рикар
Една од најопасните работи од сите се скриените надежи. Ваквите надежи се секогаш длабоко во вас, како болест за која немате поим дека чека да избие.
Медлин Ру
Јазикот-најопасното оружје: раната од меч полесно се лекува од зборовите.
Педро Калдерон
Емоциите се опасни. Добро е да ги прифатите емоциите под спокојна и мирна маска.
Луиз Пени
Затоа е опасно чувството да се биде заљубен-ве фаќа во најнепримерниот момент, а често и најнесоодветната личност станува предмет на страст.
Шанел Клејтон
Илузијата на ефектот на вистината ја нагласува потенцијалната опасност за луѓето кои постојано се изложени на истите верски наредби или политички слогани.
Дејвид Иглман
Желбата за одмазда е опасно чувство.
Лин Флејлинг
Личниот распад секогаш останува непосредна опасност.
Кристофер Леш
Ловецот не ја предупредува својата жртва за опасност.
Роберт Хајнлајн
Лошиот историчар е дури поопасен од мртвото документарно дрво.
Норман Дејвис
Нашата опасност е да им попуштиме на нашите чувства и да дозволиме да ни диктираат, да владеат со нас и да го контролираат целиот наш живот.
Мартин Лојд-Џонс
Но, најголема опасност од сите би било да не правиш ништо.
Роберт Кенеди
Но, во време на бегство и опасност, во очај, почнуваш да веруваш во чудо: инаку не можеш да преживееш.
Ерих Марија Ремарк
Машкоста воопшто не е еквивалентна на отсуството на страв; првото вклучува свесност за опасноста, а второто е резултат на незнаење.
Ерих Марија Ремарк
Но, поетите не се сметаат за опасни и им се советува да упразнуваат самоцензура. Најмногу од поетите се бараше воопшто да не пишуваат. Ја искористив оваа негативна слобода.
Еуџенио Монтале
Нашиот свет е секако опасен, но го прават поопасен не само од оние кои го ценат профитот пред мирот.
Оскар Аријас Санчез
Непозната опасност е најнепријатниот тест за психата. Најхрабриот човек неволно подлегнува на нејасното чувство на страв. Што да направите ако не знаете од што да се браните?
Џорџ Мартинов
Опасна работа е да им ја наметнуваме нашата гледна точка на другите.
Салман Ружди
Оваа реалност е опасна, предавничка работа. Не може да ѝ се верува.
Сол Белоу
Опасноста е отрезнувачка интоксикација.
Алфонс Доде
Желбата може да нè заслепи за опасностите од нашите постапки.
Мари де Франс
Славата е многу опасна затоа што суптилно ги изопачува вашите соништа. Таа менува сè, но на триесет и пет сè уште е полесно да се одолее на овие промени отколку на седумнаесет.
Арон Пол
Се чини дека е многу полесно да се направи нешто навистина опасно ако можете веднаш да го направите без размислување.
Лене Кобербол
Подигнете се на повисоко ниво на слобода. Не сме повикани да бегаме од опасност, туку кон безбедноста.
Џералд Јамполски
Исклучително е опасно да поминувате низ живот преполн со љубов кога ви недостасува мудрост, доблест и морал.
Бери Хјухарт
Желбата може да стане опасна ако стане цел.
Анџела Бечера
Она што не постои, може да биде и опасно.
Скарлет Томас
Може да има поголема опасност во предрасудите кои очигледно се засноваат на логика, отколку во оние кои се признаваат за емотивни.
Едвард де Боно
Моралниот авторитет е секогаш поопасен за угнетувачот од политичката моќ.
Ричард Ордовс
Желбите се моќни и опасни работи.
Лиз Бразвел
Исклучително е опасно да се зборува за лимити или граници. Наместо тоа, од витално значење е да останеме целосно отворени, секогаш ангажирани и да бараме личен придонес во општествените настани.
Дарио Фо
Има болести кои не треба да се лекуваат бидејќи нè штитат од поопасни.
Марсел Пруст
Има ли нешто поопасно од симпатично разбирање?
Пабло Пикасо
Жената е опасност за секој рај.
Пол Клодел
Суровост плус моќ, колку и да е мала, е многу опасна мешавина.
Мајкл Сванвик
Живејте опасно и живејте правилно.
Јохан Волфганг Гете
Отвореноста е вродена во слободниот дух, опасно е само да се избере погрешно време.
Демокрит
Опасни се очекувањата кога се премногу високи и неоформени.
Лајонел Шрајвер
Поголема опасност за многумина од нас не е тоа што целиме премногу високо и не успеваме, туку тоа што целиме премногу ниско и го постигнуваме тоа.
Микеланџело
Животот без читање е опасен: човек е принуден да се потопи во реалноста, а тоа е ризично.
Мишел Велбек
Постои многу опасна тенденција да се потпреме еден на друг додека одиме по патека. Ако група луѓе се потпираат еден на друг, тогаш ако некој падне, сите паѓаат. Да не се потпираме на никој друг. Ние само одиме рамо до рамо, рамо до рамо.
Чогјам Трунгпа
Има многу луѓе кои се плашат од водата, а оние кои живеат толку блиску до морето подобро од другите ја разбираат нејзината опасност.
Џесика Брокмол
Против опасностите од младоста, мораме да го вооружиме (детето) пред да стигне до нив.
Жан Жак Русо
Сфатив дека нема ништо покомплицирано од разбирањето на мртвите и ништо поопасно од нивно игнорирање.
Маргарет Атвуд
Самоспознанието е опасна работа, со тенденција да се направи некој плиток или глупав.
Карл Шапиро
Има работи кои во случај на опасност мора да се заштитат на секаков начин, без разлика на жртвите.
Коџи Сузуки
Која е целта на животот ако не постојат опасности што треба да се исполнат и надминат?
Дејвид Алмонд
Поопасно и поштетно е да се скрие љубов отколку да се искажува.
Вилијам Шекспир
Корисно е да зборувате побавно, бидејќи само така можете да ја избегнете опасноста од кажување работи што не се обмислени.
Карл Мај
Просечните луѓе се најопасни луѓе на светот.
Бил Козби
Потенцијалната опасност, како што знаете, е невообичаено привлечна.
Греам Грин
Што би била љубовта да нема тајни во неа! Што би била љубовта без опасност!
Херман Хесе
Без оглед на опасностите од активностите што ги преземаме, опасностите од неактивност се далеку, многу поголеми.
Тони Блер
Што може да биде поопасно од соочување со сопствената смрт?
Борис Вијан
Во принцип, „минимална опасност, максимално задоволство“ е главниот принцип на мозокот.
Дејвид Рок
Има некои рани кои се премногу длабоки за да се видат. Тие се најопасни.
Моира Јанг
Животот во постојана опасност ме одучи да размислувам за иднината.
Гијом Мусо
Животот без опасност е целосна досада и глупост.
Марио Варгас Љоса
Животот е опасна работа. Неизвесноста е цената на животот.
Алија Изетбеговиќ
За жал, дејствијата извршени со методична конзистентност стануваат опасни доколку му станат познати на непријателот.
Јан Флеминг
Сеќавањето на минатото може да произведе опасни сознанија, а воспоставеното општество се чини дека се плаши од субверзивната содржина на меморијата.
Херберт Маркузе
Ни се чини дека најопасниот тренд во светот сега е желбата да се верува на гласини, а не на факти.
Џон Штајнбек
Подеднакво е опасно и глупаво да се предаде мечот и нечесниот авторитет.
Питагора
Таканареченото потрошувачко општество и политиката на корпоративниот капитализам создадоа втора природа за човекот што го врзува либидинално и агресивно за стоковната форма. Потребата да се поседуваат, консумираат, ракуваат и постојано да се обновуваат уредите, алатите, моторите што им се нудат и наметнуваат на луѓето, да се користат овие добра дури и под ризик од самоуништување, стана „биолошка“ потреба.
Херберт Маркузе
Стануваме опасни кога не ја сфаќаме нашата одговорност за сопствените постапки, мисли и чувства.
Маршал Розенберг
Страста не е толку опасна како уништувањето што го предизвикува.
Ромен Ролан
Стравот од опасност е десет пати пострашен од самата опасност.
Даниел Дефо
За оној што никогаш не бил во опасност, храброста ќе остане непроверена и недокажана, а со тоа и неисполнета.
Маркус Вернер
Лидерите бараат храброст од највисок поредок-секогаш морална храброст-а често и физичка храброст. Храброста е онаа особина на умот што им овозможува на мажите цврсто да се соочат со опасност или тешкотии, без страв или обесхрабрување.
Освалд Сандерс
Книжевната слава е единствената што не може да се сподели со никого. Се чини дека опасните луѓе се рамнодушни кон оние кои се покоруваат на чувството за чест. Ќе изгледаме варвари на нашите далечни потомци.
Франсоа Шатобријан
Заблудите кои содржат некоја вистина се најопасни.
Адам Смит
Зависноста што не можете да ја контролирате е опасна.
Карин Алвтеген
Како човек навикнат на страв, знаеше дека е премногу опасно стравот да го обземе. Стравот ја искривува реалноста. Ја голта. Таа создава своја реалност.
Луиз Пени
Книгите се крајно опасни; ги тераат луѓето да размислуваат.
Антонио Итурбе
Кога конечно ќе сфатиме дека рамнодушноста е поопасна од подлоста?! Дури само затоа што е потешко да се препознае.
Владимир Санин
Кога најблиските се во опасност… сите правила ја губат својата моќ.
Ришел Мид
Кога во момент на опасност треба да донесете одлука, треба да ја изберете одлуката што прво ви паднала на ум.
Дафне Мориер
Љубовта е љубезно лудило; амбицијата е опасна глупост.
Николас Себастијан Шамфорт
Љубовта е најопасното, најсмртоносното чувство на светот.
Зулфиу Ливанели
Љубовта е невообичаено важен дел од литературата и животот. Дали е таа опасна? Секако. И за литературата и за животот.
Алис Хофман
Љубопитноста е најопасната работа на светот.
Џејми Мекгваер
Нема ништо поопасно од спомен кој е овековечен на хартија.
Габриел Гарсија Маркез
Нема шанси да не сме во опасност.
Кнут Хамсун
Не постои човек поопасен од оној кој постапува добро, а мисли лошо.
Пол Валери
Обучениот воин пред најголемата опасност мора целосно да се потпре на интуицијата.
Сара Десен
Потребата од шок влијание-адаптивна реакција на една личност на опасностите што ги очекува.
Валтер Бенџамин
Владата, како оган, е опасен слуга и монструозен господар.
Џорџ Вашингтон
Соочени со реална опасност, мажите претпочитаат жените да не се во нивна близина.
Шарлот Бронте
Тој што клевети не е опасен. Измислува повеќе зло отколку што може.
Лук д Вовенарж
Мртва личност може да биде пореална и поопасна од жива личност.
Жан Жене
Секој знае дека имагинацијата е опасна работа, а кога ја имате премногу ризикувате да ги превидите подводните струи на реалниот живот.
Жан Жене
За жал, нема закон против неспособноста; не се прави блескав пример. Тие учат од нашата телесна опасност и експериментираат додека пациентите не умрат, а лекарот е единствениот кој не е казнет за убиство.
Плиниј Постариот
Успехот е опасен. Секој почнува да се копира себеси, а да се копирате себеси е поопасно од копирањето на другите. Ова доведува до неплодност.
Пабло Пикасо
Луѓето често прават херојски работи бидејќи не сфаќаат колку се опасни.
Винстон Черчил
Луѓето кои се во политика за да бидат постојано во право подобро е да се занимаваат со риболов со мушичка. Тоа е помалку опасно. Политиката која не важи во реалниот свет и не се справува со вистински предизвици, парадокси и агонија е хоби.
Нил Кинок
Луѓето кои се и моќни и незадоволни се особено опасни.
Тери Иглтон
Храброста е едноставно трпение во опасна ситуација.
Никита Михалков
Изгледите често нè мамат. Опасно е да се верува во она што окото го гледа.
Молиер
Често е точно дека страсните љубовни писма се поопасни за оној што ги пишува отколку за оној што ги прима.
Ги де Мопасан
Човек кој не гледа опасност не се плаши од ништо на светот.
Џонатан Свифт
Опасно е да бидеш искрен ако не си глупав.
Оскар Фингал Вајлд
Кој не знае, а не знае дека не знае-опасен е-избегнувајте го! Кој не знае, а знае дека не знае-дете е-научете го! Кој знае, а не знае дека знае-спие-разбудете го! Кој знае и знае дека знае-мудар е-следете го!
Конфучиј
Учењето без размислување е бескорисно, но размислувањето без учење е исто така опасно.
Конфучиј
Најопасни се оние непријатели за кои човек не помислува како би требало да се брани од нив.
Артуро Граф
Најопасни непријатели-оние од кои човек нема надеж да се одбрани.
Артуро Граф
Надежта е сводничка на смртта, поопасен убиец од омразата.
Меша Селимовиќ
Луѓето огорчени на светот се по малку опасни. Тие мислат дека животот им останал нешто должен. Само она што човекот го има во себе го прави среќен или несреќен.
Агата Кристи
Но, заедничката претпазливост понекогаш е многу опасна: не дозволува да правите смели претпоставки.
Агата Кристи
Изодените патишта се најнеопасни и најсигурни патишта.
Чарлс Колтон
Постојат сонувачи без способности. Тоа се навистина опасни луѓе.
Георг Лихтенберг
Правиот маж сака две работи: опасност и игра. Затоа ја сака жената како најопасна играчка.
Георг Фридрих Ниче
Во одмаздата и љубовта жената е поопасна од мажот.
Георг Фридрих Ниче
Нецелосното објаснение е често поопасно од целосно погрешното.
Петер Дракер
Опасно е да се биде во право во работи во мои надлежните власти се во криво.
Фрасоа Мари-Аруе Волтер
Храброста е добродетел врз основа на која луѓето во опасност прават благородни дела.
Аристотел
Лагата не би имала смисла, освен ако вистината се чувствува опасно.
Алфред Адлер
Најопасно се луѓето во незнаење.
Хенри Вард Бичер
Опасно е само да се нагаѓа, а жално е кога тоа и точно ќе го погодите.
Алберто Моравија
Постои вистинска опасност дека компјутерите би можеле да развијат интелигенција и да ги преземат работите во свои раце. Ние итно треба да развиеме директни конекции спрема човечкиот мозок за компјутерите да можат да ѝ додадат нови на човечката интелигенција наместо да ѝ бидат спротивност.
Стивен Вилијам Хокинг
Караниците помеѓу пријатели не значат ништо. Опасни се само караниците меѓу оние што сосема не се разбираат.
Мари фон Ебнер Ешенбах
Сите имаат граница која е опасно да се пречекори. Зашто кога ќе ја пречекориш, повеќе не можеш назад.
Фјодор Михајлович Достоевски
Воздржаноста е крајно непријатна особина, неумереноста-крајно опасна.
Филип Честерфилд
Другарувањето спаѓа во најопасните, можеби дури и убиствени наклоности, биејќи нè доведува во допир со луѓе од кои повеќето се морално лоши, а интелектуално тапи или изопачени.
Артур Шопенхауер
Да им се прави голема штета на луѓето често не е толку опасно како да им се прави премногу добро.
Франсоа Ларошфуко
Наука без разборитост е како игра на лутрија. Имено, научникот се изложува на опасност да изгуби сè што вложил.
Алберт Ајнштајн
