fbpx Прескокни до главната содржина

Денес

Рубрики: Јанѕи од јава во јазол

Автор: Љупчо Димитровски

Јанѕи од јава во јазол

Веќе ништо не се случува
Ненадејно за оној што гледа
Како сè се случува во сè
Однапред смислено
За случување на нешто
Единствено речиси нужно
Освен кога вчера било
Вешто сокриено од утре
Од некои други различни
Туѓи светови кои
Се судираат за да бидат
Исти додека се различни.

Денес се чини дека трае
Многу повеќе од вчера
Многу веројатно од утре
Само затоа што живее
И во паметењето
И во заборавот
Еднакво
Речиси како воопшто
Да не се случува
Или нема да се случи.

Се урива се разурнува
Се гради се надградува
Се живее се умира
Се  ништи се опстанува.

Денес е јава во јазол
Кој никој не се ни обидува
Да го разврзе
Та секој во него
Та секој пред него
Е грижен
Дека веќе нема поврат
Во време на мир и спокој
Меѓу живи и мртви светови
Меѓу невидливи и видливи
Меѓу исчезнати и откриени
Траги на вечно постоење
На светлина во штит
За одбрана на достоинство.

Прочитај и за ... >>  Најпрва мисла

ЈАНЅИ ОД ЈАВА ВО ЈАЗОЛ, Грижен, стихозбирка, 17

Важна напомена: Сите права се задржани. Не е дозволено било какво преземање на делови или цели содржини, ниту во оригинал ниту како извор и преработка за други содржини, без одобрение на авторот и/или издавачот (сопственикот) на овој портал. За секоја злоупотреба-непочитување и злоупотреба на правата, издаваме фактура со задолжителна финансиска обврска.
За авторот: Љупчо Димитровски

Долгогодишен радио и ТВ новинар, писател и медиумски уредник со повеќе од 40 години искуство во електронските медиуми. Автор е на над 150 книги и основач на порталот Panoptikum.mk, како продолжение на култната емисија „Паноптикум“, со силен фокус на комуникација и новинарство.

За повеќе написи од авторот кликни тука.