ТИВКИ КЛОКОТИ, рефлексивни искази, 2
2. Живот
Вредноста на животот е во загработ на секој негов миг. За да не те одмине или залудно да ти мине.
Да знаеш да живееш, значи дека си научил колку е животот минлив, дека ништо друго не останува по него освен малку време со дело, некој чекор што совладал празен простор и малку спомен дека си бил.
Не трчај по животот и не се обидувај да го продолжуваш повеќе отколку што ти е пишано. Затоа што ќе се случи тој предвреме да те претрча, па да стави точка на сè.
Биди задоволен од себеси додека си жив.
ТИВКИ КЛОКОТИ, рефлексивни искази, 1
1. Години
Како ни идат годините, така ни престасува младоста и нè достасува староста. Секоја нова година отфрла или заборава сè што од старост...