Од нашата содржина

Ова е интернетско продолжение на култната радио емисија „Паноптикум“, дело на нашиот реномиран ветеран во радио-новинарството, Љупчо Димитровски.

На власт партија на велепредавници, предавници и нивни подлизурковци. Срамота е да си во неа, со неа и за неа.

Во економска војна најголема беда и страд на народи. Зашто е најдолготрајна. Во неа ни победи ни порази.

Стар бел дедо им порачува на властодршците: Не можете долго да владеете со беден, рамнодушен, обеснажен и голорак народ.

Секој трпи и крпи до своја граница на трпеж-крпеж. Потоа се знае што: сè се враќа и сè се наплаќа.

Светот пак на крстопат, по којзнае кој пат. На патишта на богати, сиромашни и животворни.

Партија не може, туку само движење: Најпрвин сплотени во одбрана на македонизмот од внатрешниот непријател на власт.