Од нашата содржина

Ова е интернетско продолжение на култната радио емисија „Паноптикум“, дело на нашиот реномиран ветеран во радио-новинарството, Љупчо Димитровски.

513. Угоре со чекор доблесен кон височините. Удолу со чекор достоинствен кон длабочините. Секогаш со чекор доследен кон далечините.

Да патуваш, а да не откриваш не е доживување.

Ист е исходот од понижувањето и понизноста: пораз на личното достоинство.

Ниво на демократија: Длабока почит кон различното мислење и можноста тоа слободно да се искаже.

Кога искреноста станува доблест, значи дека многу маски станале и лица и опачини.

479. Искуството е полно со многу доживеано и одживеано, а најмногу со лично преживеано.