На кое место во беспат е он
дамна пред сите дамна сам
сите други далеку зад него
од што сосем исгубиле сила
макар за чекор кон негде
напред.

Се прашува а нема одговор
дали е во центарот негов
во точка на која некогаш
се вркстувале
времиња без време
и невремиња од невреме
ако воопшто има беспат
по беспат.

Помислува дека е во точка
од која не знае каде натаму
особено откога узна дека
е беспат и лево и десно
е беспат и напред и назад
но истовремено помислува
дека по неа нема зошто
е бесмислено натаму
да преживува без трага
затоа што постоел негде
како социјално битие.

Проблемот со незнаењето
на кое место во беспат е он
е самосвесноста без која
не е можно да се домисли
или догледа нов пат
кон нови хоризонти.

ОГОН ВО ПУСТОШИЈА, Мразнина, поетска студија, 61