136. Возвишеност
Возвишена мисла, возвишено дело, возвишено слово. На човек чист, честит, искрен, чесен, доблесен,достоинствен. Се возвишил тој сам или го возвишил народ? И сам и народ.Сосе свесноста за вредноста и траењето.
Возвишеноста никогаш не е мигновена, ниту може да трае само некое време. Затоа што е неопходна како стаменост на човекот, како негово идентитетско препознавање. Како негови траги во минатото и негова вкоренетост во сегашноста.
Возвишени над минливоста на времето и над маргиналноста на животот.
Македонски народни пословици и изреки
Возвишен народ возвишува.
На возвишен со дело му веруваат без осговор и поговор.
Го возвишиле оти им требал возвишен, а е најмал од сите нив.
Радување и среќа кога имаш свој возвишен.
Возвишено дело без време.
Човек и кога паѓа во бездна на зло може да се искачи до најголеми височини на добро.
Со крстот Христов до возвишена цел.
Тој е на врвот, а луѓето во подножјето одвај го догледуваат.
Возвишен човек со душа, и грешен и честит.
Пословици и изреки од народи на светот
Омразата измешана со жед за правда и одмазда е возвишено со ништо споредливо чувство. (Англиска)
Возвишените луѓе го презираат хуморот и цинизмот; првиот оти во него има цинизам, а вториот дека отсуствува хумор. (Руска)
Големите страсти ја поттикнуваат душата да создава големи дела. А без нив ќе се случи крај на секоја возвишеност во моралниот живот и творештвото. (Француска)
Највозвишена е бојата на виното во чашата. (Италијанска)
Заробеникот на идеите за лошо, достојно и возвишено им се покорува со ропска послушност. Не се обидува да се спротивстави и да се сомнева. (Германска)
Возвишените тврдења често се просто чувства маскирани како факти. (Романска)
Сè што е радосно доаѓа од Бога и никогаш не е грев, тоа е возвишување на самата природа. (Кинеска)
Латински изреки
Возвишениот се качува угоре, невозвишениот слегува удолу.
Кога зависиш само од себеси, ти си најблизу до возвишено битие.
Големиот човек има спокојно тело и возвишен дух.
Не си со Бога ако не си возвишен.
Возвишениот ум и возвишениот разум се генијални.
Домисла, гесло, мисла водилка
Неработење и недостаток на волја се двете најголеми неволји на возвишеноста.
Анонимус
Избрав возвишена жена и ѝ го дадов срцето. На таа жена извештачена, фанатична, која претерува во сè.
Анонимус
Материјалистот не верувам во возвишени чувства. Тој му служи на златното теле.
Анонимус
Возвишените мисли користат возвишени зборови за да се изразат.
Анонимус
Сето тоа звучи благородно, значајно, возвишено, духовно и убаво, но всушност не носи ништо, освен болка во задникот. Тоа е цената што ја плаќаме за да имаме сила и моќ.
Анонимус
Рекле, издумале
На височините не е потопло, како што мислат луѓето.
Фридрих Вилхелм Ниче
Кој во Возвишеното не е како дома, тој Возвишеното го чувствува како нешто непријатно и лажно.
Фридрих Вилхелм Ниче
Како возвишен човек може да го задржи својот углед ако го напушти нивото на вистинскиот човек? Возвишениот човек никогаш не го напушта нивото на вистинскиот човек, дури ни за време на еден единствен оброк, дури и во неважни моменти, дури и под мошне несоодветни околности, тој живее на тоа ниво.
Конфучиј
Истражувај возвишено, стреми се кон возвишено и ќе достигнеш возвишено.
Конфучиј
Возвишениот човек си префрлува на себеси, а невозвишениот им префрлува на други.
Конфучиј
Пеперуга која кружи околу светилка додека не согори, е повозвишена од духот кој спокојно живее во својот мрак.
Калил Џибран
Има три патишта до возвишеното: патот Јас, патот Ти и патот Јас и Ти.
Рамакришна
Мисла без поезија и живот без возвишеност-тоа е пејзаж без небо: среде него се задушуваш.
Анри-Фредерик Амиел
Сè што нарекуваме херојска доблест и на што се восхитуваме како величина и возвишеност на умот и духот, не е ништо друго, туку мирна и цврсто втемелена гордост и самодоверба.
Дејвид Хјум
Прекумерниот идеализам и моралната возвишеност често потекнуваат од ненаклонетоста на човекот да ги исполни своите секојдневни обврски.
Емил Диркем
„Народот“ не е само убав, возвишен концепт. Народот е ум способен да ги препознае оние кои му служат подобро.
Салман Ружди
Можеш да живееш едноставно, но да мислиш возвишено.
Томас Харди
Вистината е мртва и сè е релативно во најдобар случај, а во најлош е прашање на волја за моќ. Ништо не е како што изгледа. Ако вистината некогаш била поставената цел на интелектуалците, сега е лесно да се прочита меѓу нивните научни редови и да се видат дребнавото его и валканите амбиции зад возвишените стремежи кон вистината.
Ос Гинес
Ако оние кои влијаат на другите не успеат да ги доведат до духовни височини, тогаш сигурно патот до низините ќе биде добро истрошен.
Освалд Сандерс
Ако правите нешто убаво и возвишено и тоа никој не го забележува, не се вознемирувајте: изгрејсонцето е најубавата глетка на светот, но повеќето луѓе во тоа време сè уште спијат.
Џон Ленон
Ако се концентрирате на размислување за возвишеното и светлото, тогаш светот околу вас ќе се однесува подобро. Случајно запознавате личност што сакате да ја видите на улица. Трамвајот ќе продава среќен билет. Времето ќе биде токму она што ви треба за утрешниот пикник.
Крис Картер
Кога човекот би бил создаден само поради овој свет, немаше потреба да биде инспириран од душа толку скапоцена и возвишена за да биде поголема од самите ангели, особено во тоа што не добива задоволство од сите задоволства на овој свет….На што е ова аналогно? На случајот со еден градски жител кој се оженил со принцеза. Ако ѝ донесе сè што поседува светот, тоа нема да ѝ значи ништо, бидејќи таа е ќерка на крал. Така е и со душата. Кога би требало да бидат донесени сите задоволства на светот, тие би биле како ништо за него.
Моше Хаим Луѕато, Рамхал
Благодарноста е ретко возвишено чувство испеано од поетите.
Урсула Ле Гвин
Во приказните на Стариот Завет,… возвишеното Божјо влијание овде допира толку длабоко во секојдневјето, што двете сфери, на возвишеното и секојдневното, не се само всушност неразделни, туку во основата се неразделни.
Ерих Ауербах
На крајот на краиштата, кога стравот конечно ќе се раствори, вашиот ум и чувства се слеваат за да формираат возвишена чувствителност и да станат совршено јасна преносна леќа. Тогаш желбите на вашата личност и намерите на вашата душа стануваат идентични. Не е потребна волја за да го „добиете“ она што го сакате, бидејќи секогаш се појавува следната вистинска работа. Во тоа се нагласува процесот на создавање, а распаѓањето се карактеризира со висок степен на разиграност и невиност. Поради леснотијата можете слободно да материјализирате широк спектар на искуства кои протекуваат хармонично, со еволуирачката судбина на човештвото. Следствено, животниот век на висока фреквенција има природен квалитет со голема флуидност и задоволство од простите нешта.
Пени Пирс
Во сексуалноста се обединуваат највозвишеното и најниското.
Сигмунд Фројд
Ова, значи, е врвната вистина-дека во нашата најдлабока природа сме закотвени во Бога, неразделни од Бога, и дека откривањето на оваа небесна природа е највозвишената цел на животот. Дури и веќе сега, денес сме божествени како што некогаш ќе бидеме. Долгата еволутивна скала по која пророците, учителите, гуруата и водачите нè тераат да се искачуваме мачно, бавно и болно, воопшто не е неопходно да се искачуваме ако само постојано ја слушаме оваа вистина, ако одбиеме да ја оставиме, ако ја направиме наша во сите сфери на нашето битие-во мислата, чувствата, верата и дејствувањето.
Пол Брунтон
Во човекот е вградена вечна, возвишена потреба да љуби.
Анатол Франс
Големиот пример секогаш или корумпира или возвишува цела генерација.
Штефан Цвајг
Високата, но не и највисоката интелигенција, во комбинација со највисокиот степен на постојаност, ќе постигне поголема возвишеност од највисокиот степен на интелигенција со малку помала постојаност.
Анџела Дакворт
Од возвишеното до смешното е само еден чекор.
Наполеон I Бонапарта
Сè уште се сеќавате на тие мали, возвишени радости со болка на копнеж. Затоа што нема враќање назад, нели? Не можете да се вратите во состојба на невиност.
Беатрис Вилијамс
Сите други духовни учења се залудни ако не можеме да сакаме. Дури и највозвишените состојби и најнеобичните духовни достигнувања се без значење, ако не можеме да бидеме среќни на најосновните и најобични начини, ако со срцата не можеме да се допреме еден со друг и со животот што ни е даден.
Џек Корнфилд
Секоја видлива планета е олицетворение на голема и возвишена духовна интелигенција. Кој е Божји слуга во тој оддел на Неговото Царство, бидејќи се стреми да ја исполни Неговата Волја, бидејќи последната го има предвид највозвишеното богатство, без оглед на привременото заболување.
Макс Хајндел
Секое самоубиство е возвишена песна на меланхолија.
Оноре де Балзак
Возвишената природа не е толку лесна за разбирање.
Гистав Флобер
Возвишениот хуморист е најбедното, најжалното суштество во создавањето.
Френк Ведекинд
Возвишеноста на замислата ни ја покажува душата на уметникот.
Пол Сезан
Имагинацијата, кога е дисциплинирана, продуховена, контролирана и насочена, се претвора во највозвишен и најблагороден квалитет на човекот.
Џозеф Марфи
Да стапиш во контакт со возвишеното е веќе голема среќа.
Кеиго Хигашино
Да се живее во епоха на достигнувања, да имаш возвишен карактер, за жал, е тешко.
Јосиф Бродски
Да се набројува несреќата на другите не значи да страдате, а да се изговараат возвишени зборови-не значи да ги следите.
Анатолиј Алексин
Да останете пријатели по раскинување е во ред теоретски, но во практиката тоа е вечен погреб, возвишено-трагична комбинација од тажни спомени и непрестано сожалување.
Џонатан Тропер
Да се обезоружи, додека е најдобро вооружен, од возвишување на чувствителноста-тоа е средство за вистински мир.
Бен Мекинтајр
Декларацијата за љубов е ветување, апсолутна, возвишена крајна форма која го надминува чистиот растеж и натрупување на капиталистичката економика. Создава продолжување, временски период. Самата лојалност е конечна форма пред лицето на вечноста во времето. Тоа е затворот на вечноста во времето.
Лив Стромквист
Денот во кој стоев рамо до рамо со стотици илјади мои сограѓани, зјапајќи во кундаците на пушките на војниците, во денот кога телата на првите двајца заклани беа ставени во рачна количка и турнати на предниот дел од колоната. Бев изненаден кога открив недостаток во себе: недостатокот на страв. Се сеќавам на чувството дека е добро да умрам. Ја почувствував крвта на сто илјади срца како тече заедно во една огромна артерија, свежа и чиста… возвишената неизмерност на едно единствено срце, пулсирајќи крв низ тој сад и во моето сопствено. Се осмелив да се чувствувам дел од тоа.
Хан Канг
Едвај тогаш (речиси низ вратата, така да се каже) сфатив колку сето тоа беше неописливо убаво, колку прецизно проектирано за наше уживање и ја видов, бидејќи сум на работ да потрошам еден прекрасен подарок, дарбата да ми биде дозволено, секој ден, да талкам по овој огромен сензуален рај, овој голем пазар исполнет со љубов со секое возвишено нешто.
Џорџ Сондерс
Едно од највозвишените искуства, што некогаш можеме да го имаме, е да се разбудиме чувствувајќи се здрави откако сме биле болни.
Харолд Кушнер
Женската душа е премногу возвишена за да ги достигне вистинските граници на нечовечноста.
Френсис Хардинг
Законот на животот, според кој суштествувал Иван Иванович, вели: човек не треба да се задоволува со малку, ако може да постигне повеќе. Треба да се стремите угоре, да имате возвишена душа, да се издигнете до самите ѕвезди-и тогаш сè ќе ви се потчини.
Борис Акунин
Почитувањето на правата на другите е возвишен принцип; но зависта е првичен порив.
Медлин Олбрајт
Зошто морето ни вдахновува толку возвишени чувства? Можеби затоа што отворената купола на небото, што се слева со вечно треперливата вода, е најблискиот визуелен симбол на бескрајноста што ни е даден на земјата.
Вилијам Бојд
Зошто толку безумно ја злоупотребуваме нашата планета, нашиот единствен дом? Одговорот на ова се крие во секој од нас. Затоа што ние ќе се стремиме да постигнеме разбирање дека ние-секој од нас-сме одговорни не само за себеси, нашето семејство, нашиот фудбалски тим, нашата земја или нашиот сопствен вид; дека во животот има повеќе од овие нешта. Зашто секој од нас треба да го врати природниот свет на неговото вистинско место во нашите животи и да сфати дека тоа не е некаква возвишена цел, туку витален дел од нашиот личен опстанок.
Лоренс Ентони
Затоа што високо возвишената човечка уметност им дава благородност и убавина на чудните движења на душата.
Николај Гогољ
Малку е веројатно дека ќе дојде зло кога луѓето цврсто веруваат дека целите не ги оправдуваат средствата. Ако ги судат нивните методи според истите високи стандарди, според кои ги проценуваат нивните цели и задачи, злото ќе биде завладеано.
Рој Баумајстер
Сепак, љубовта што ја доживуваме преку други луѓе е само сенка на љубовта на внатрешното Јас. Во нас има возвишено место, кај што живее љубовта. Љубовта која пулсира во пештерата на срцето не зависи од ништо од надвор. Таа не очекува ништо. Таа е целосно независна.
Свами Муктананда
Сепак, само проблесок на пролетта е доволен за да се развесели душата на вдовицата, за да ги претвори овие упорни плевели во планови за возвишениот Арлекин.
Гезуалдо Буфалино
И како што музиката е пространство меѓу нотите, исто како што ѕвездите се убави поради пространството меѓу нив, точно како што сонцето удира во дождовните капки дожд под одреден агол и фрла призма на боја низ небото-така и пространството, кај што јас постојам и сакам да продолжам да суштествувам и да бидам сосема искрен, се надевам дека ќе умрам, е токму таа средна дистанца: кај што очајот ја порази чистата другост и создаде нешто возвишено.
Карл Уве Кнаусгор
И ќе им кажам на луѓето дека сегашноста треба да биде мирна, а иднината среќна и возвишена.
Волт Витман
Идејата за тесен круг, за возвишена и лојална секта, освен со инфилтриран предавник во сржта, информатор кој не е туѓ на сектата, но претставува суштински дел од нејзината структура-тоа беше вистинската организациска форма на секое мало општество. Човек треба да дејствува, знаејќи дека во нашите редови има инфилтриран предавник.
Рикардо Пиглија
Идејата за еднаквост, нашата природна страст, е убава за возвишените души, но за ниските души не значи ништо друго освен завист.
Франсоа Шатобријан
Еден отсекогаш мислел дека во смртта има нешто прекрасно и оти сè во врска со неа треба да биде возвишено. Излегува дека таа е сива како животот.
Олга Токарчук
Јас сум исполнет со гордост кога помислувам на благородниот и возвишен свет што мора да постоел пред христијанското учење да ги натерало мажите да гледаат подозриво на жените и да ги натераат наместо тоа да мислат на ангели.
Џорџ Мур
Изучувањето на мудроста нè возвишува и нè прави силни и великодушни.
Јан Амос Коменски
Или сезнајниот интелект е импотентен, или не е доволно силен, или не е фактор позитивно поврзан со алтруистичките појави воопшто или со нивната возвишена форма особено.
П.А. Сорокин
Имам толку возвишена цел што е речиси непријатно да зборувам. И тоа треба да биде најдобриот ресторан на светот.
Чарли Тротер
Посакувам да им служам на уметниците на нашево време, покажувајќи им како еден мал почеток води до највисокото возвишение и како од толку благородна ситуација е можно да падне во целосна пропаст, и затоа како овие уметности личат на природата, како што е прикажано во човечките тела.
Џорџо Вазари
Дали сакате да бидете прекрасни? Тогаш започнете со тоа да бидете. Дали сакате да направите огромно и високо платно? Помислете прво за основите на смирението. Колку вашата структура треба да биде повисока, толку подлабока треба да биде нејзината основа.
Свети Августин
На вистината и љубовта не им требаат ѕидови. Христос не изгради ѕидови. Ги собори. И тој се молеше не во возвишени, убави цркви, а во домовите на луѓето.
Глен Мид
Јогата е самодисциплина заснована на овие два принципа: едноставен живот и возвишено размислување.
Свами Вишну Девананда
Го кажувам тоа наивно, го претпочитам отвореното пространство на пустината, нејзиното небо, нејзиното возвишено и поетичко соединување, пред овие затворени улици, пред мравјалникот од зафатени луѓе, пред овие ограничени хоризонти кои не ми дозволуваат да видам небосклон покриен со ѕвезди, без да ја кренам главата, ниту да уживам во импозантниот спектакл на бурата, кога светлите секавици се извиваат и громовите реват.
Лусио Викторио Манцила
Како што знаете, бесплатниот пијалок е една од највозвишените желби на толку сложеното и мистериозно животно како што е мажот.
Владимир Санин
Книгите внесуваат просветлување на душата, го возвишуваат и зајакнуваат човекот, во него будат подобри стремежи, го изоструваат умот и го омекнуваат срцето.
Вилијам Текери
Кога ќе слушнете возвишени зборови за правдата, секогаш проверувајте дали вашиот паричник е на место.
Јуриј Нестеренко
Кој нема благородна душа, тој не е способен за добрина. За него е достапна само добродушноста.
Николас Себастијан Шамфорт
Космосот не го опфаќа само возвишеното и смешното. Ја замаглува границата помеѓу.
Мери Роуч
Критиката е нешто возвишено. Со неа се достојни да се занимаваат само гениите.
Салвадор Дали
Култура, господа! И во него највозвишената уметност. Поезијата.
Мануел Ривас
Љубов! Таа е највозвишена и најпобедничка од сите страсти.
Хајнрих Хајне
Љубов? Тоа е жртва пред сè. Жртвувај се за таа личност за која имаш чувства. Имено, тоа е важно, а не возвишените зборови и воздишки. Само жртвата може да биде доказ за твоите односи.
Фјодор Емелијаненко
Љубовта ги возвишува големите души.
Фридрих Шилер
Љубовта е возвишено чувство, таа може да го придвижи човекот само кон добро. Но, страста често е мрачна и води до порок.
Дарија Калинина
Љубовта е највозвишениот израз на животот.
Џек Лондон
Љубовта што ја преживува смртта на љубен човек и продолжува до смртта на вториот, веќе е реткост. Во многу современи филозофии ова се смета како нешто примитивно, застарено и бесмислено. А сепак љубовта до гроб била и останува најпрекрасниот, светиот и убав идеал на човечкиот живот-бесмртен и возвишен идеал.
П.А. Сорокин
Метафизичките поети преминуваат лесно од тривијалното кон возвишеното.
Филип Рот
Мирот, изобилството и задоволството владеат преку нашите граници, а нашата сакана земја му претставува возвишен морален спектакл на светот.
Џејмс Полк
Мислите на филозофот се како ѕвездите. Тие не даваат светлина затоа што се премногу возвишени.
Френсис Бекон
Мнозинството луѓе се премногу приемчиви, но оваа приемчивост е од слабост, а не од свесно претставување на себеси за повозвишени цели.
Ани Безант
Можеме да одлучиме да појдеме на нашето омилено место во природа или да слушаме музика која нè доведува до состојба на екстаза. Можеме да го промениме каналот за менување и да ги исклучиме вестите, а наместо тоа да ги насочиме мислите и енергијата на вдахновениот учител. Можеме да донесеме свесна одлука да го префрлиме нашето внимание од обичната локална реалност кон возвишениот нелокален сигнал на универзалниот ум.
Доусн Чрч
Молчењето понекогаш е помногузначно и повозвишено, дури и од најблагородната и најизразената елоквентност, и во многу случаи сведочи за висок интелект.
Џозеф Адисон
Мене ми е дадено да живеам возвишен живот. А јас умирам во мрзеливост, разврат и соништа.
Даниел Хармс
Има само еден храм на светот, а тој храм е човечкото тело. Нема ништо посвето од таа возвишена слика. Поклонението на човекот е прославувањето на откровението во телото. Кога ќе го допрете човечкото тело, можете да се поврзете со небото.
Новалис
Највозвишената цел на уметноста е да направи човечкото срце да чука, и така како срцето-центарот на животот, уметноста треба постојано да биде во тесна врска со целиот морален и материјален човечки живот.
Жан-Мари Гујо
Чувтсвото на восхитување нè возвишува; душата се воздигнува на висина на она на што се одушевуваме.
Жан-Мари Гујo
Најголемата среќа што му е достапна на човекот-љубовта-треба да служи како извор на сè што е возвишено и благородно.
Блез Паскал
Највредните работи во животот се создаваат од најчестите својства. Едноставноста ретко се дава на некого. Токму тоа е дарбата што не може да биде постигната ниту со вештина, ниту со упорност. И мудроста, колку и да е ретка возвишената особина на малкутемина, доаѓа само како додаток на она што го носиме во себеси.
Владислав Бајац
Напишав три романи за шест месеци, со јасност на фокус и внимание на деталите кои никогаш претходно не сум ги доживеала. Овој тип на возвишена творечка енергија е карактеристичен за покачената и продуктивна состојба на расположението позната како хипоманија.
Ајлет Валдман
Не заборавајте дека само вие сте одговорни за одржувањето на вашата енергија. Ослободете се од вината, поплаките и оправдувањата и продолжете да дејствувате кон вашите цели-без разлика колку се тие секојдневни или возвишени.
Џек Канфилд
Не можете да сметате на луѓе кои злосторството го оправдуваат со возвишени идеали.
Патрик Нес
Страдаме од потиснување на возвишеното.
Роберто Асаџоли
Ние луѓето имаме навика да ги отпишуваме нашите несреќи на сметка на големи катастрофи-тоа нè возвишува како личности.
Алберт Санчез Пињол
Немам желба да ме паметат како уметник, бидејќи никогаш не сум бил уметник; мојата идеја за таа професија беше можеби премногу возвишена. Можам да кажам дека е премногу возвишена. Оставам на други подостојни да ги пополнат нишките на уметноста.
Семјуел Морс
Популарноста не е многу сеопфатна, но е многу возвишена и генерализирана форма на душевна близост.
Томас Ман
Смртта на близок често нè става во возвишен благочестив режим.
Томас Ман
Ќе остане само љубовта. Само љубовта го возвишува телото.
Жак Шесекс
Прегратките се нашиот одговор на сите закани во светот, самата смрт, и мора да признаете дека има нешто возвишено во тоа.
Људмила Петрановска
Замислете како хорот на ангелите и не помалку ефективните хорови на ѓаволите се надвикуваат меѓусебно според сите оперски правила во спор за мојата возвишена душа. А во тоа време некаков си тип, некаков homo simplex , кој ја поседува чудната уметност да ги поправа хорските црева, им го грабнува посакуваниот плен.
Тадеуш Доленга-Мостович
Природата ги презира највозвишените чувства на луѓето и останува рамнодушна спрема нивните стремежи.
Томас Харди
Продолжувај и не се онесвестувај, нешто твое е во рајот, до телото на твојот возвишен Спасител, а ти продолжувај со своите.
Семјуел Радерфорд
Првата љубов за возвишената душа е пострашна од немоќта.
Едвард Раџински
Патот е нешто повозвишено од праведноста.
Јамамото Цунетомо
Реалноста има тенденција да се пројавува така, бесмислена, незамислива и парадоксална, така што возвишеното често се раѓа од грубото; на ужасот, убавината и на трансценденталното, крајниот идиотизам.
Роза Монтеро
Регистрацијата на смртта е најодговорниот и возвишен акт што се извршува на овој свет.
Ладислав Фукс
Само страстите и само големите страсти можат да ја воздигнат душата до големи дела. Без нив имаме крај на секоја возвишеност како во моралниот живот и во творештвото.
Дени Дидро
Светот е исполнет со љубовна игра, од животинска страст до возвишено страдание.
Алан Вотс
Силата на револуцијата се крие во возвишените стремежи на човечноста, разумот и слободата, а не во нескротливите животински инстинкти, непријателството, самоволието и насилството.
Владимир Короленко
Понизноста е исто толку спротивна на самопонижувањето како што е спротивно и на самовозвишувањето.
Даг Хамаршелд
Според наша природа не можеме да постоиме без љубов. Затоа, додека не развиеме таква ретка и возвишена љубов-љубов кон Бога-ние се трудиме на некаков начин да се сакаме.
Олег Торсунов
Просечната жена не е способна да се интересира за возвишеното.
Ото Вајнингер
Песните се добра увертира за љубовта, особено кога е есен наоколу, создавајќи возвишено расположение.
Мирчеа Елијаде
Страсно сакајте го вашиот позив. Нема ништо попрекрасно од тоа. Тоа е многу повозвишено отколку што мислите.
Дејвид Вајс
Судбината на револуционерната авангарда е возвишена и тажна.
Че Гевара
Сочувството и великодушноста не се само просто возвишени добродетелства. Тие ја формираат основата на човештвото, благодарение на нив добиваме можност да уживаме во животот и да го почувствуваме неговото значење.
Даглас Абрамс
Дали има многу светови или има само еден свет? Тоа е едно од најблагородните и највозвишените прашања во изучувањето на Природата.
Алберт Велики
Така уметничкото е многу блиску до етичкото. Само ако можевме да го разбереме светот од гледна точка на некој друг, ќе имавме поцелосна претстава за тоа како и зошто тие дејствуваат така како што прават. Така би биле помалку наклонети да ги прекоруваме од некаква возвишена надворешна гледна точка. Да разбереш значи да простиш.
Тери Иглтон
Таквите форми на задоволство доведени во ранг на правото ја губат својата возвишена суетност.
Жан Пол Сартр
Тоа беше мирис на кој му недостасуваше скромност, не правеше отстапки за шармирање. Како да стоиш на раб на голема и застрашувачка карпа, беше шокантно, убаво, возвишено.
Кетлин Тесаро
Она на што им се восхитувате во другите ќе се развие во вас самите. Затоа, да го сакаш обичното во секого значи да станеш обичен, додека да го сакаш благородното и возвишеното во сите умови значи да пораснеш во слично на она што е благородно и возвишено.
Кристијан Ларсон
Трагичното ја води долната душа до шок и ја турка во калта и ја прави високата душа уште повозвишена.
Борис Акунин
Треба да бидеш возвишен без престан.
Шарл Бодлер
Темни се патиштата по кои вишата рака ни дозволува да поминеме овде…да се држиме цврсто за верата, зашто едно пофино, повозвишено решение на мистериите на земниот живот ќе биде присутно, ќе стане дел од нас.
Карл Фридрих Гаус
Фактот дека сум привлечен од светлината и возвишеното не ми пречи, одвреме-навреме да си трошам грубо и примитивно.
Вадим Панов
Луѓето зборуваат затоа што се плашат од молчење. Тие зборуваат механички, без разлика дали гласно или сами на себеси. Тие се опиени од оваа вокална каша што оковува секој предмет и секое битие. Тие зборуваат за дожд и убаво време; зборуваат за пари, за љубов, за ништо. И дури кога говорат за својата највозвишена љубов користат стопати изговорени зборови, истрошени фрази.
Андреј Макин
Луѓето со морално-мазохистичка структура на личноста често им се прикажуваат на други како претенциозни и презирачи, возвишени во страдањата и презирачи на обичните смртници кои не можат да поднесат толку силна тага слична на милоста.
Ненси Меквилијамс
Човечкото суштество ја има слободата да стане што било. Со сопствената моќ тој може да го направи својот живот возвишен или мизерен. Со сопствената сила може да ги достигне небесата или да се спушти во длабините.
Свами Муктананда
