Потребно време за читање: 2 минути

Цвеклото ги содржи речиси сите минерални состојци: калциум, калиум, натриум, фосфор, магнезиум, железо, флуор, манган, бакар, јод, сулфур, рубидиум, литиум, стронциум, бром итн. Значајно е присуството на витамините Б1, Б2, Ц и П, како и на витаминот Б12, исклучително редок во прехранбените продукти од растително потекло, а толку важен за вегетацијата. Благодарение на присуството на антоцијанот, кој му дава топла црвена боја на сокот на цвеклото, а влијае и врз обновувањето на крвта, ова благородно растение дејствува и антиканцерогено.

Мошне се големи здравствените ефекти на цвеклото во случај на деминерализација на коските и забите; присуството на јодот го прави драгоцено во борбата против артеросклерозата и забавувањето на процесот на стареењето. Сепак, основата на повеќестраната лековитост на цвеклото ја прават бетанинот и бетаинот, оти ја поттикнуваат размената на материите, го регулираат крвниот притисок, го намалуваат холестеролот, ги одржуваат крвните садови, ја поттикнуваат работата на црниот дроб итн.

Прочитај и за ... >>  Морските алги во исхраната

Неколку рецепти со користење на цвеклото

Сок од пресно цвекло против најтешки заболувања (-тумор):

Со готвење цвеклото ја губи лековитоста, па е најдобро да се пие сок од пресно цвекло. Од 1 килограм цвекло се добиваат околу 700 грама сок. Цвеклото треба да се излупи тенко, ситно да се изренда, да се прелие со сок од лимон и со мед. Кога малку ќе отстои, се истиснува сокот и се пие во голтки преку целиот ден. Кај потешките заболувања треба да се пие дневно 1/2 до 1 литар сок. Кога ќе се почувствува подобрување дозата се намалува на 1/4.

Чорба од цвекло за јакнење и чистење на крвта:

Се мијат две везички млади листови од цвекло, се сецкаат тенко и се ставаат да се готват. Со тоа треба да се готви и везичка од лисја од магдонос. Додека се готви лисјето (10-15 минути), се сецкаат ситно млад кромид и лук со перца, се изрендува еден корен морков, еден корен магдонос и помал корен од целер. Се изрендуваат најситно и 4-5 цвекла, се се прелева со голема лажица масло и сок од лимон, и се става во водата со лисјето, а потоа веднаш се трга од огнот. Се додава исечкан лист од магдонос.

Прочитај и за ... >>  Зеленчук кој заслужува особено внимание: бамја

Салата од цвекло за јакнење на црниот дроб и желудникот:

Крупно се изрендува цвекло и половина помалку корен од целер. Се зачинува со малку сол, оцет од јаболко, лажичка маслиново масло и мелен ким. Се меша со кисела павлака и се посипува со лист од магдонос.

Претходен написВулкани- Зона на тишината
Следен написАгресивноста

LEAVE A REPLY

Please enter your comment!
Please enter your name here