fbpx Прескокни до главната содржина

Крај на пат со крај

Рубрики: Наслови (се во наслов)

Автор: Љупчо Димитровски

СТАСА НА КРАЈОТ ОД ПАТОТ, ПРЕД БЕСПАТЈЕ.

СЕГА НАЗАД, КОН ПОЧЕТОКОТ? НИКАКО! ТОА БИ БИЛО БЕСПОЛЕЗНО. И Е ВЕЌЕ ОБЕСНАЖЕН, Е ВЕЌЕ БЕСПОМОШЕН. ЗАРЕМ ВО БЕСПАТЈЕ? НИКАКО! ОТСЕГА ВО МЕСТО НА КРАЈОТ? НИ ТОА!

МОРА ВЕДНАШ ДА ОТКРИЕ И ШТО СЕ СЛУЧУВА И ШТО МУ СЕ СЛУЧУВА. ЗНАЧИ, ПРВО ЗОШТО  ПАТОВ ГО ДОВЕДЕ НА СВОЈ КРАЈ, ПОТОА ЗОШТО Е ТОЈ ПРЕД БЕСПАТЈЕ, ЗА НАЈПОСЛЕ ДА ЈА ОТКРИЕ И СОСЕМ ДА ЈА СОГЛЕДА МОМЕНТНОСТА НА СВОЕТО ПОСТОЕЊЕ.

ДОСЕГА НЕ ЗНАЕШЕ, НИТУ БЕШЕ СЛУШНАЛ ЗА ПАТ СО КРАЈ. ВО СВОЕТО ЖИВОТНО ПАТЕШЕСТВИЕ ОДЕЛ И СОВЛАДУВАЛ СЕКАКВИ ПАТИШТА. НА НИЕДЕН НЕ СТАСАЛ НА КРАЈОТ. НАПРОТИВ, СЕКОГАШ СОВРЕМЕ ОТКРИВАЛ И СОГЛЕДУВАЛ НОВ, НАЈЧЕСТО СО ПОЧЕТОК БЕЗ КРАЈ ИЛИ, НАЈРЕТКО, НОВ, НАСПОРЕДЕН, КАКО НЕГОВО ПРОДОЛЖЕНИЕ. И НИЕДЕН НЕ ГО ДОВЕЛ ДО ПРЕД БЕСПАТЈЕ ОБЕСНАЖЕН, ВЕЌЕ БЕСПОМОШЕН.

РЕШИ ДА ЗАЧЕКОРИ ВО БЕСПАТЈЕТО СЛЕДЕЈЌИ ГИ ПАТИШТАТА НА СОНЦЕТО, МЕСЕЧИНАТА И ЅВЕЗДИТЕ. ПАТЕМ ДА ИМ ГИ РАСКАЖУВА НА ПОТОМЦИТЕ.  

Прочитај и за ... >>  Една празнина

НАСЛОВИ (СЀ ВО НАСЛОВ), насловна проза, 26

Важна напомена: Сите права се задржани. Не е дозволено било какво преземање на делови или цели содржини, ниту во оригинал ниту како извор и преработка за други содржини, без одобрение на авторот и/или издавачот (сопственикот) на овој портал. За секоја злоупотреба-непочитување и злоупотреба на правата, издаваме фактура со задолжителна финансиска обврска.
За авторот: Љупчо Димитровски

Долгогодишен радио и ТВ новинар, писател и медиумски уредник со повеќе од 40 години искуство во електронските медиуми. Автор е на над 150 книги и основач на порталот Panoptikum.mk, како продолжение на култната емисија „Паноптикум“, со силен фокус на комуникација и новинарство.

За повеќе написи од авторот кликни тука.