714. Веќе не може ни одново, па нема друго освен ново со нови.

715. Не ти минува времето, туку ти миинуваш низ него.

716. Меѓу политика и политикантство полит-олигарси на власт.

717. Се трошиш, а не знаеш зошто. Не сакаш ни да пробаш да си одговориш.

718. Не дозволувај да губиш кога добиваш.

719. Ништо не добива човек кој повторливо го преживува она низ што минал и сè што надминал.

720. Совреме во твое и заедничко време.

721. Во промени за самосвест и самодокажување.

722. Немоќен се повлекува прво во себе, па после пред други.

723. Љубовта дава сила, но и одзема.

724. Не живеам во минато, туку сега и овде до негде утре.

725. Само уште дела од мене. А што друго?

726. Глупоста ја исмејуваат умни, а глупаци исмејуваат чесност и искреност.

727. Мора најжестоко најпрвин против внатрешните непријатели-партиите СДСМ и ДУИ, чии членови и поддржувачи-политиканти со години вршеле екоцид и геноцид врз македонскиот народ и малцинствата во Македонија!

728. Зошто страв од именување и разобличување на нештата какви што се?!

729. Не е најлошо за тебе да немаш верба во никого. Најлошо е да не си веруваш на себеси.

730. Сеедно ми е дали сум за тебе жив или мртов. Ти замене си и не си.

731. Запишувај за да не заборавиш и да не се заборави.

732. Од ден на ден ти е сè потежок и позабавен чекорот? Не се секирај. Само неминовно ти старее снагата.

733. Вака веќе не може? Може штом е уште вака.

734. Не чекај да се вратам зашто ти дамна замина.

735. Скоро ќе морате натаму без мене. Јас сум пред мојата последна цел.

736. Оставам љубов без надеж дека некогаш ќе се сети на мене.

737. Многу му грешите на творец кој ви оставил вредни дела, а вие не го ни спомнувате.

738. Јас можеби не сум, но вие никогаш не сте биле.

739. Ќе ти олесни и ако крикнеш во себе.

740. Не повредувај човек кој надминал недоброј премрежја. Ќе те презира.

741. Рамнодушноста му е последен бедем на оној кому му е доста од самодокажување.

742. Ги почитувам и ги сакам сите што со мене споделуваат свои вредности.

743. Ни глас ни знак ни збор, а сал воздиви на човек во претсмртен час.

744. Се разбира, не сè, а многу друго во друг живот.

745. Нашите патишта немаат крстопат.

746. Жар што тлее во домашно огниште нема кој да го распали.

747. Предолг е денот по пробдеана ноќ во грижа и беспомошност.

748. По твое само ако е од интерес на сите. Инаку, подобро по ничие.

749. Ќе паѓате додека не паднете и повеќе нема да станете.

750. Немаш каде кога и домот свој го испокраде.

751. И големи и мали риби не можат ни да дишат, ако не пливаат во матни води.

752. Што значи јака политичка партија? Таква е додека е на власт?!

753. Човечкиот живот има и создава вредност. Човечката смрт нема никаква.

754. Најтежок е нов почеток? Да, но мора да се почне.

755. Само од нас зависи дали ќе послушаме голем ум. Најпрвин зашто е еден од ретки.

756. Создаваш дела за себе и за никој друг? Зошто?!

757. Лицемерно е да си за мир, а да помагаш во војна која не завршува оти не се разбира зошто почнала.

758. Внимателно со напредокот. Се докажало и се докажува дека е тој всушност назадок.

759. Мора да се рашие тесно скроено, па да се крои по мера.

760. Молчам од дамна до денес пред тебе, љубов.

761. На очиглед се растура нешто, а ти си запнал да бидеш дел од тоа.

762. Се проширува нешто што е тесно. Се стеснува кога се проширило со стеснети.

763. Никогаш јас дека вреди што сум создал. Оставам на вкусови и критериуми.

764. Ништо со чии било послушници и платеници.

765. Не го условувај своето постоење и дејствување со пари. Тие зависат само од тебе.

766. Постојано самодокажување со творечка енергија.

767. Нека биде и без тебе како со тебе.

768. Помалку прашувај, повеќе прашувај се пред да решиш.

769. Се трошиш:
Трошиш и се нервираш.

770. Како може со демократски методи и дејствија против многубројни злостори?!

771. Сите се врзани во јазол за ниедно зло да не може да се спречи. И за да нема помрднување од место.

772. Ни прва ни последна љубов една од сите.

773. За свет во кој постојано ќе се движиме напред. Несопирливо.

774. Многу сум ти кажал и имам уште. Не престанувам, а ти како сакаш-слушај или не слушај.

775. Не можам да домислам како би ти било тебе да си на мое место.

776. Се чудиш како може да не се признава грандиозно дело, единствено на светот, а јас ти велам батали.

777. Белки некогаш ќе разбереш зошто сум на став дека со моето исчезнување треба да исчезне и моето дело.

778. Не прашувај зошто. Веќе нема зошто.

779. Валкани до гуша и уште се дават во валканици.

780. Изроди зад изроди зад изроди зад изроди…мафија.

781. Неизмерна љубов на огнено срце.

782. Каде ќе бегате, каде ќе се криете од народ кренат на нозе со стапови в раце? А кај да е, ќе се крене.

783. Партии во опозиција, до вчера на власт-мафијашки дувла.

784. Лица под маски партиско-политикантски и мафијашки.

785. Допрва ќе мора да се разоткриваат лагите во историјата на исконскиот македонски народ.

786. Најпрвин челните партократи мора да одговараат за мафијашкото владеење и криминалното лично богатење.

787. Треба да се игнорираат маргиналците во политиката, но и да се гонат за сторен криминал, корупција и велепредавство.

788. Јас сум свој на свое и никому не му дозволувам да ме обеснажи.

789. Не се нервирај бре, ако ти пречи што деноноќно пишувам и објавувам-ти едноставно избриши ме од твојот животен круг.

790. Не поднесуваш никого над тебе, а таквите се многубројни. Не можеш ни да ги изброиш.

791. Се плаши оти те сака?! А зошто?

792. Неминовно е и да се расчисти со нив и да се исчистат.

793. Суверенизмот е искажан и докажан патриотизам.

794. Далеку во себе.

795. Човек многу лесно може да исчезне самоволно. Или веќе да не биде што бил.

796. Што ако ми недостасуваш сè повеќе? Тоа.

797. Не се радувам на објава на мое дело. Само мало задоволство дека му дадов време откако го создадов.

798. Беспримерно и безвремено-совршено.

799. Во беда и глад и жед за постоење.

800. Секогаш искрен пред и со некој.

801. Исти денови и ноќи-непотребни.

802. Заробен ум-убивање на слободата на мислата.

803. Денес најмногу, а утре единствено масовно убивање на живиот свет, пред сè на човечкиот со контролирани неизлечиви болести.

804. Секогаш внатрешниот непријател на народот е поопасен и побезогледен од надворешниот.

805. Питомина убиваат дивјаци, безумници и платенички убијци.

806. Светот мора темелно да се преустрои за да опстане како човечен. Каков што е, брзо ќе се самоуништи.

807. Будење рано пред зори на живот што вреди да се живее.

808. Гневен сум! Да ви го ебам бизнисот, македонски „забавувачки“ полит-бизнисменски говеда. За валкан профит ризикувате и масовна смрт на невини!

809. Скршено и немо ми е срцето поради масовно убиство на срца и души на млади животи.

810. Ерозија на системот? Кој систем?! Има систем? Живееме во систем?!

811. Не од денес, не од утре, туку веднаш решителна и жестока војна против мафијашкиот систем што владее и убива во Македонија!

812. Или-или:
Или власта да биде власт на народот или народот да се крене на нозе и да го уништи внатрешниот непријател-партиската мафија.

813. Корумпираните и мафијашки партиски дувла се најголемите уништувачи на Македонија и убијци на народот во Македонија! И вие бесрамници, платеници, лигуши и простаци што сте нивни членови!

814. Грижи, јадови, притисоци, стресови-до смрт?!

815. Сегде мрак, нигде виделина.
Овде невини умираат, а безогледни партиски мафијаши владеат и убиваат.

816. Реалноста бара или да ја прифатиме каква што е, значи прилагодувајќи ѝ се, или да ја менуваме за да биде каква што ни одговара.

817. Член на партија: послушник, лигуш, платеник, простак, олигарх, мафијаш, политикант.

818. Пеколна цел:
Убивање на човечкото во човекот.

819. Се излева гнев од срце човечно.

820. Тргни и докрај не запирај.

821. Вака веќе не! Како? Ако не знаеш, има кој знае.

822. Сè е гнило во мафијашка држава и корумпирано општество.

823. Што беше тоа здрав живот?
Што беше здрава младина?

824. Демократија со мафијашки, бандитски и предавнички партии?! Таа е невозможна сè дури тие не се збришат!

825. Ако си самосвесен, имаш лично достоинство и си чесен, не си дозволуваш да бидеш член на мафијашка и наречиполитичка партија.

ДУМАЊЕ НА ГОЛЕМ И МАЛ ЧОВЕК XXIV