55. Во место
Стамено во место
пред бездна достојува
он долго време
по предолго скитање
во пустина непрегледна,
како човек во живот
меѓу
наспоредно бранување
на возбуда и спокој.
Достојува долго
иако знае
оти му минува времето
на самодокажување
со дела кои веќе не се
од него создадени,
кои се раѓаат сами,
без него безнадежно
меѓу земја и небо.
А луѓе огнени
штотуку почнуваат
своја борба
окуражени дека он
достојува стамено
во место пред бездна.
