Одамна е направен и којзнае кои го направиле висечкиов дрвен мост над брзава и пенлива река. Од греди, штици и дебели јажиња. Сигурно го направиле некои зашто е напросто невозможно да го направил некој, еден.

Сигурен ли е мостов за премин на рекава, на другион брег? Како може да не е?! Ако не е, би имало некој знак за внимателност или на предупредување. Сепак, не ќе е за небрежност и брзо одење по него. Едно затоа што е многу високо над рекава, а друго се занишува при секој чекор, јажињата не изгледаат добро затегнати, а просторот меѓу некои штици е поголем, згора и чкрипат.

Луѓе насобрани на брегот на брзата и пенлива река го поминуваат висечкиот дрвен мост бавно, цврсто држејќи се за раце и за јажињата, двајца по двајца.

ТИВКИ КЛОКОТИ, рефлексивни искази, 134