35. Подмолно сценарио
Ништо и никогаш случајно кај, за и со самосвесни, слободни и самобитни личности. Особено кај, за и со личности со докажани знаење, оптиност, мисла и дело. За кои минатото и сегашноста се залога за иднината. Кои имаат дарба и способност да ја антиципираат утрешнината.
Сè што се случуваше, се случува и ќе се случи скоро во Македонија не е случајно, туку е дел од долгорочно сценарио! Кое содржи стратегија и тактика до конечната цел: уништување на македонскиот народ и неговата држава Македонија. И тоа пред претстојно ново прекројување на светот како неминовност по новата светска позиционираност.
Чие сценарио? Одамна откриено, осознаено и промислено: на „стратешкиот партнер“ (во наводници оти во суштина тој не е тоа) и „меѓународниот фактор“-пред сè ЕУ (во наводници оти таа не е тоа).
Зошто подмолно? Просто затоа што не е искрено, чесно, во интерес на народот и државата, туку затоа што е таква целта: да се „надмине“ проблемот со постоењето на македонскиот народ и неговото исконско постоење на неговата исконска земја Македонија. Токму подмолноста го содржи мафијашкото уништување на правниот-функционалниот систем, образованието, економијата, здравството, културата, земјоделието, спортот…до неподносливо живуркање. Се разбира, со сестрана помош на внатрешниот непријател, платениците, понизните слуги, изродите.
Неочекувано, изненадувачки за оној што не ги разбира нештата или новото устројство на светот (повторувам: во чии „рамки“ е и Македонија и македонскиот народ) неаргументирано, па и налудничаво го изедначува со „теорија на заговор“: голем интерес за претседател на држава(во) во распаѓање-дури десетина кандидати! Секако и за пратеници во нов(иот) Парламент! За залажување на апатичен народ и поттикнување на „интересот“ за финансиско-материјалните придобивки, а без (пре)голема ангажираност и одговорност: повик за што помасовно излегување на претстојни(те) избори, но во исто време и „препорака“, поточно „предупредување“ да се внимава за кого ќе се гласа-кому ќе му се даде доверба и „сугестија“ за кого „би било добро“ да не се гласа.
Што не предвидува, ниту може(ло) да предвиди подмолното сценарио?
Само едно:
Да, масовно излегување на избори, гласање за ОДБРАНА НА МАКЕДОНИЗМОТ/МАКЕДОНСТВОТО/МАКЕДОНИУМОТ, но и СТРОГА КОНТРОЛА НА ГЛАСАЊЕТО, ОСОБЕНО НА ПРЕБРОЈУВАЊЕТО НА ГЛАСОВИТЕ (најголема опасност од местење на резултатите)!
