196. Со безочни
Може да биде подобро!? Со вас и од вас, властољупци, ништо добро!
197. Мисла
-На што мислиш?
-Те мислам.
198. Исто
Не може исто пак сосем исто. Во секое исто понешто различно.
199. Уште
На старост дај Боже уште.
200. Убавините
Секогаш меѓу убавини, со нив или близу до нив.
201. Сакањето
Многу сакам, малку се надевам.
202. Заедно
И малку доста ако сме заедно.
203. Ни
Ни среќа ни здравје ни љубов за пари.
204. Посветен
Посветен на создавање свои дела.
205. Ти
Биди што си додека си.
206. Не може да е друго
Ненародна-натурена власт им слугува на „стратешки партнери“, го краде народот и страховладее со него.
207. Напред
Никој никого не може да го сопре во ôдот напред. Секој може сам.
208. Смеењето
Колку повеќе и почесто се смееш, толку полесно ги надвладуваш премрежијата во животот.
209. Кажаното
Сè кажано може да се докаже или прекаже.
210. Белки
Белки ќе минеме уште некое време заедно, љубов.
211. На браникот
Сите треба деноноќно да стоиме на браникот на слободата.
212. Човек
Човек да си на виделина, во мрачнина, тишина и празнотија.
213. Секојдневје
Обврски, докажување, грижи, товари. А здравје? А спокој? А задоволства? И тие, ама мали.
214. Разделба
Некогаш заедно, досега понекогаш. Зошто отсега никогаш?!
215. Во неизвесност
Зошто дозволивме да нè доведат до раб на бездна, а некои од нас во неа?
216. Меѓу
Меѓу грижни мажи и жени деца разиграни.
217. Нов чекор
Стамен чекор по долго, та предолго стоење во место.
