14. Свест и сомнеж
Се замешувам во луѓе
кои лунѕаат на сите
знајни и незнајни страни
на стварноста,
надевајќи се дека
конечно ќе се пронајдат
себеси
сосе сомнеж дека
скоро, совреме
ќе се појави на хоризонтот
исправен, доблесен
и громогласен
огон живороден.
Откога сите разбраа
колку е разурната свеста
за неминовен крај
на рамнодушноста
пред зовриена крв.
Меѓу луѓето кои
лунѕаат на сите страни
на стварноста
начув како да рида
снеможен старец
и како да се обидува
да докаже
последен сомнеж:
дека ќе остане долго
каква било трага
од неговите голи коски
во знајна
или незнајна страна
на стварноста.