55. Одамна без значење
-Ти грешев?
-Нема врска…Беше одамна.
-Мислиш на времето кога бевме јас и ти?
-Мислам. Си грешевме еден на друг помалку или повеќе од обично кога се луѓе заедно. Нема значење. Има сега како отсега ние оддалечени еден од друг толку, што многу скоро нема да се препознаваме меѓусебно.
-Денес нема непремостливи оддалечености. Најмногу два-три часа. Освен ако некој или нешто не нè спречува.
-Бевме одамна доволно долго. Сега има смисла да се видиме?
-Можеби има, но е безнадежно. Освен скришно од светот.
-Кој свет?! Мојот? Твојот? Нашиот?
-Овој…во кој сме сè уште живи.
-Пак ти згрешив?
-Нема врска…Драго ми е што се слушнавме. Се надевам и другпат.
-И мене ми е драго. Да знае, помислував и помислувам на тебе…Каде си сега?
-Негде кај што ти не си, ниту можеш да бидеш.
-Да разберам дека намерно веќе нема да се случи?
-Ќе биде полесно за обајцата.
-А зошто тешко?!
-Зашто би морале пак скришно…Нема значење.
-Те следам и ќе те следам.
-И јас тебе.
-Тоа нека биде доволно.
