Нацрта во песок ѕвезда
како падната од небо
сјајна ведра спокојна
каков што е он во време
кое не сака да го дели
на негово минато
и сегашност што трае.
Се загледаа во себе
како живи радосни
дека можат да споделат
уште една игра нивна
безгрижна бесцелна
неповторлива.
Ја заиграа ја изиграа
па со игриви срца
се разделија.
Она им се придружи
на ѕвездите на небо
а он во песокот нацрта
домашно огниште.
ОГОН ВО ПУСТОШИЈА, Замислувања, поетска студија, 74
