Случајно или намерно среде
е големо огледало без рамка
лебди меѓу луѓе ранобудни.
Која му е целта.
Целта му е сè живо наоколу
да се огледува и препознава
додека е време на постоење.
А што е со сè мртво.
Се разбира дека сè мртво
се огледува и препознава
како живо
макар што не би требало
за да не биде во рамновесие
со разурнатите гредови
еден до друг во огнен круг.
Мора да се знае зошто е
без рамка
а е очгледно дека е живо.
Секој што досега застанал
пред огледалото среде
кое лебди меѓу луѓе
ранобудни
веќе знае колку е светот
загадочен
меѓу мрачнина и виделина
со свест за пулсирањето
на бескрајот и тишината.
ПРЕПЕВ НА ПЕВ И ПОВЕВ, Разурнат град на птици, поетска инсталација, 50
