Меѓу оган, вода, воздух и земја
или со сите нив наеднаш,
заедно и истовремено одделно.
Тоа ми е сеедно.
Кога сум во мојата стихија
ги има сите во логичен ред
најпрвин
а потоа во каков било неред
како дел од моето постоење.
Впрочем, како секој
во својата стихија.
Сепак, почетоков нека биде
со оган
зашто водата, воздухот
и земјата
треба допрва да ги совладам,
па да ги освојам
за да станат дел
од мојата стихија
во која сум
апсолутно слободен и свој.
ВНАТРЕШНИ СОДРЖИНИ, Пустелија, поетска студија, 1
