fbpx Прескокни до главната содржина

СВЕТОВИ, поезија/припеви, 1-5

Рубрики: СВЕТОВИ, поезија/припеви

Автор: Љупчо Димитровски

Пролог:
Може само припев.
Може и со пред пев.
Може и со допев.
Важно своја песна.

1. Едни

Јас во мој свет.
Ти во свој свет.
Ние во наш свет.
Едни во кои
се живее живот
како еден,
како прв и последен.

2. Времиња

Стари нови.
Од вчера, од денес.
За вчера за утре.
Зависни, меѓузависни.
Секое во секое.
Секое во сите.
Без граници.
Без ограничување.

3. Плодови

Збираме секакви плодови
од ветришта расфрлани
на сите страни.
И од до небо извишени.
Јадливи, нејадливи.
Вкусни, горчливи.
Бессемени за во невреме.
Со семиња за наш род.

4. Ковчеже

Празно ли е или не е?
Може да нема ништо,
празно да е полно да е?
Не може. Во него
барем спомени.
Очигледно е дека
намерно го сокрил
некој во урнатини
пред неизвесност.

5. Жени

Се собрале жени
без мажи одамна
во цветна градина.
Да збираат мириси.
Се собрале мажи
без жени одамна
пред река пенлива.
Да се успокојат
сосе неа во неа.

За авторот: Љупчо Димитровски

Долгогодишен радио и ТВ новинар, писател и медиумски уредник со повеќе од 40 години искуство во електронските медиуми. Автор е на над 150 книги и основач на порталот Panoptikum.mk, како продолжение на култната емисија „Паноптикум“, со силен фокус на комуникација и новинарство.

За повеќе написи од авторот кликни тука.

Важна напомена: Сите права се задржани. Не е дозволено какво било преземање, копирање, објавување или преработка на делови или цели содржини од овој портал без претходно одобрение од авторот, редакцијата и/или издавачот. За секоја повреда на авторските и сродните права, Паноптикум го задржува правото да побара надомест и соодветна правна заштита.

Уредничка напомена: Во подготовката на содржината може да се користи дигитална/AI асистенција како помошна алатка за јазична, структурна, истражувачка или визуелна обработка. Финалниот текст е уреднички прегледан и објавен под одговорност на авторот и/или редакцијата. Главната илустрација на написот може да биде фотографија, авторска/архивска слика или AI-генерирана концептуална илустрација создадена за визуелна поддршка на текстот.