28. Земја
Омеѓена земја
во некој век
со многу води
и струполени
камења во бездна.
Не се знае од кога
не е превртена
ниту дали некогаш
било посеано
некое семе во неа.
=== Бесплатно рекламирање ===
Никој што минува
крај неа
не забележува
дека е обрасната
со диви треви
и плевел.
29. Пајажина
Сегде пајажина
околу мене
како којзнае од кога
да нема жива душа
далеку и близу.
Покрила обградила
густа како друга
никоја
што да не може
никој да ја пробие
да ја разбие
да ѝ го најде
почетокот и крајот.
А нигде пајак
а нигде пајаци.
30. Покривка
Што има под покривкава
на ветров која ноќум
ја расфрлувал ненадејно.
Нешто сегде расфрлано
ко некој да се обидувал
да ја оневозможи мојата
слобода.
Покривкава на ветров
можеби ќе се крене
кога сонце ќе огрее.
СЕКИДНЕВИЕ, Појавности, поезија/припеви
