За изложбата на графики „Од раѓање до живот“
Сите ние, како живи суштества сме различни. Мали, големи, стари, млади, среќни, несреќни, сите сме различни, но затоа заедно правиме една убава целина. Уште пред самото раѓање многу работи ни се предодредени: нашето име, презиме, религија, општество, роднини и слично, но има премногу работи кои сами треба да си направиме, достигнеме, уживаме…
Изложбата „Од раѓање до живот“ е целина на различни, но сепак исти дела составени од многу бои, кои ги претставуваат различните аспекти на животот, и многу линии кои го означуваат секој еден пат по кој сме тргнале, тргнале па застанале, тргнале па се вратиле назад или негде таму во далечината стигнале до посакуваната цел.
Животот како нешто што ни е дадено само еднаш и само нас, јас стојам зад ставот дека секој еден траба сам да си го диригира истиот, нормално со консултации, но крајната одлука да биде наша и само наша. Затоа ова изложба, овие дела ги оставам да зборуваат само за себе и секој еден гледач сам да се препознае во истите.
Изложбата „Од раѓање до живот“ е составена од 20 графики испринтани во техника линолеум и ќе трае до 02.06 2026
За Јована Тодоровска
Дипломирала на Факултетот за Ликовни уметности при УКИМ во Скопје, на отсекот Ликовна педагогија со насока Графика, самостојно излагала во Битола ,Загрeб и Њу Јорк. Има учествувано на 30тина групни изложби
Локација: Културно Информативен Центар Скопје, Продажен ликовен салон
Отворање на 20.05 2026 во 19.00ч.
