И кога е буден
и кога не сака да биде
следи што се случува со него
особено кога без него
почнува нешто од некој
што не го препознава
како сонувач
а со него се случува нешто
сонето
предел на пример во кој е
на небо ведро или облачно
кој како раскрилен човек
лесно освојува врв
на спокој по возбуда
од конечна победа во битка
со мрачнини и светлини
но кога особено без него
почнува нешто од некој
тој како сонувач е меѓу луѓе
неретко далеку пред нив
кои не разбираат
што им се случува
додека стварноста
им се престорува во заумност
затоа што го загрозува
нивниот опстанок
исто како да сонил буден
дека некако наврапито
излегуваат на виделина
корени многувековни
и им ги обвиваат снагите.
ОГОН ВО ПУСТОШИЈА, Луѓе, поетска студија, 7
Важна напомена: Сите права се задржани. Не е дозволено какво било преземање, копирање, објавување или преработка на делови или цели содржини од овој портал без претходно одобрение од авторот, редакцијата и/или издавачот. За секоја повреда на авторските и сродните права, Паноптикум го задржува правото да побара надомест и соодветна правна заштита.
Уредничка напомена: Во подготовката на содржината може да се користи дигитална/AI асистенција како помошна алатка за јазична, структурна, истражувачка или визуелна обработка. Финалниот текст е уреднички прегледан и објавен под одговорност на авторот и/или редакцијата. Главната илустрација на написот може да биде фотографија, авторска/архивска слика или AI-генерирана концептуална илустрација создадена за визуелна поддршка на текстот.
