МУ ДОЈДЕ КРАЈОТ НА ПОЧЕТОКОТ ЗАТОА ШТО НИКАКО НЕ ПРИФАЌАШЕ ДЕКА ЧОВЕК МОЖЕ ДА ПРЕЖИВУВА БЕЗ СВОЈ СВЕТ. УПОРНО ПРОДОЛЖУВАШЕ ПО ЗЕМЈЕНИОТ И КАМЕНИТ ПАТ МЕЃУ ДВЕ ПРОВАЛИИ. СТАМЕНО. СО ТВРДИ И СИЛНИ ЧЕКОРИ ПОД КОИ ОВДЕ-ОНДЕ ЗЕМЈАТА РАСПУКУВАШЕ.
МУ ДОЈДЕ КРАЈОТ НА ПОЧЕТОКОТ ЗАТОА ШТО ПАТОТ НЕ БЕШЕ НЕГОВ И НЕ ВОДЕШЕ КОН НЕГОВА ЦЕЛ.
КАКОВ КРАЈ?
ПАТОТ НЕ БЕШЕ ПАТ, ТУКУ КРУЖНО ТЕСНО ПРИСОЈНО МЕСТО. ПОСТОЈАНО НА СОНЦЕ, СЕНКА НИТУ МИГ, И ОБГРАДЕНО СО КОСКИ НА МРТВИ ВОИНИ ОД ВЕКОВНИ ВОЈНИ.
СЕ ОБИДЕ ДА МУ СЕ СПРОТИВСТАВИ НА КРАЈОТ НА ПОЧЕТОКОТ, ЗАМИСЛУВАЈЌИ ДЕКА ЗЕМЈЕНИОТ И КАМЕНИТ ПАТ МЕЃУ ДВЕ ПРОВАЛИИ ВОДИ КОН ЖИВОТ ЗА ПАМЕТЕЊЕ.
НАСЛОВИ (СЀ ВО НАСЛОВ), насловна проза, 5
Важна напомена: Сите права се задржани. Не е дозволено какво било преземање, копирање, објавување или преработка на делови или цели содржини од овој портал без претходно одобрение од авторот, редакцијата и/или издавачот. За секоја повреда на авторските и сродните права, Паноптикум го задржува правото да побара надомест и соодветна правна заштита.
Уредничка напомена: Во подготовката на содржината може да се користи дигитална/AI асистенција како помошна алатка за јазична, структурна, истражувачка или визуелна обработка. Финалниот текст е уреднички прегледан и објавен под одговорност на авторот и/или редакцијата. Главната илустрација на написот може да биде фотографија, авторска/архивска слика или AI-генерирана концептуална илустрација создадена за визуелна поддршка на текстот.
