764. Прибери се, бре чоече! Престани да се глупираш! Ти се смејт народо и од тебе прајт мајмун.
765. За греој се тие со тебе и околу тебе кои не се како тебе. Се срамат, а мораат да ти ракоплескаат.
766. Ја мислам оти он не је толку добар еким ко шо го фалат. Да је, ќе знаел оти је дунстер за политика и немаше да влези во неа.
767. Сакам да се зафркавам на своја сметка. Зато шо неа со ќејф си ја наплатуам.
768. Никој не знај кога почнал да забораа.
769. Од немукает не си олеснуа на себеси.
770. Она шо не ми је арно, го остаам за мои поарни времиња.
771. Ништо не праам и не создаам несмислено.
772. Некој ќе жали оти не сме биле заедно дур’ сум бил.
773. Свето је мал за мене оти мојо је ептен голем.
774. Не бе, ја најмалу зборуам за себеси кога зборам.
775. Не мојш да заборајш оти не ти се дало кога ти требало.
776. Ја прв ја најпрв од првите, исто ми се фајќа.
777. Жално је за сите шо нашево сега не је за големи и возвишени, ами за силни и безлични.
778. Никој ни пет пари не дава за то шо си се отепал од труд и мака за да создадиш нешто шо вреди.
779. Да бидиме начисто! Никој не ни је крив, ами сами сме си криви за сѐ шо нѐ снајдуа неспремни.
780. Од мене и со мене саде непорочна љубов.
781. Никоаш не сум ни помислил, а камо ли да пробам да земам туѓо место под сонцето.
782. Колку вреди сѐ шо сум создал и создаам? Многу, ама нека судат друзи.
783. Допрва ќе ни биди тешко чим сега не знајме како да ни биди лесно.
784. Чоеко је роден да трпи и да се мачи до умирачка. Ако во меѓувреме не научи како да си ја чува чоештината во себеси.
785. Во судир меѓу светли и мрачни сили слепотата стануа сѐ поизгледна.
786. Ако сме искрено блиски, нема шо да нѐ раздели.
787. Политиката ти дошла преку глаа? А ја мислев оти уште не ти се качила на глаа!
788. Бизнисо му је валкан чим му је сал за лично богатејње.
789. Се нашле секакви и успеале некако да се догоорат да бидат заедно едни крај друзи дури можат.
790. Богаството прај на чоека сенешто да му фали.
791. Радуај се дури она шо го сакаш ти оди од рака.
792. Убајната можи да стани поубаа одошто је, а и грдотијата да стани уште погрда. Зависи од шо је шо.
793. Си го имаат муабето, та муабетат за шо било.
794. Молчаливец замолчуа молчаливец.
795. Не ги бидуа ни за статисти во нем филм.
796. Нема никој шо можи да живеј без љубов.
797. Одам на пазар да се прошетам.
798. Ако је за кога-тогаш, галиба нема да биди никоаш.
799. Мртва опозиција не треба ни да се спомнуа, а камо ли да се гледаат и слушаат нејните останки.
800. Политикантиве опозиционерски ни семенки немаат во тиквите!
801. Исто можи само кога се сите исти.
802. Кога не се знај шо је вредност, тогај џабе је она да се создаа.
803. Потрошил децении на докажуање со дело, а по смртта никој не го спомнуа, нито некој го памети.
804. Евтин живот за смрт.
805. Добро је дури има бетер.
806. Борбата не беше залудна, а по неа ништо не се смени!
807. Ја можам, ја знам, ја не сакам.
808. Сум преживеал многу за да не живуркам, ама така ми било пишано.
809. Достојанието нема никаква врска со силата и бессилноста.
810. Се замислуаш силен, а не вредиш ни пет пари.
811. Ако ти се слуша зборо, треба секој да те моли да му се слушни и негојо со него.
812. Си ѝ се предал на љубовта, а она не сака ни да слушни за тебе.
813. Не му влегуаш во сметките и зато нејќе да те плајќа.
814. Не барај сѐ на виделина од оние шо уште не ги однела матната.
815. Сал од тебе зависи дал` можи али не можи поарно.
816. Купени за многу пари ќе растурат толку, шо да не можи никоаш да се прибери, да се собери али одново да се стокми.
817. Непријатело на народо треба совреме да се сотри во корен. Поготово домашнио.
818. Не те изненадуа она на шо си се надеал.
819. Зар толку ме заборај, шо не ме позна?!
820. Стојам долго во место пред нов судбоносен чекор.
821. Веќе пропаѓаме неминовно. Предолго сме во сиромашија.
822. Има некои со кои нејќам ни да се чујам ни да се видам. Се разбира, не без причина.
823. Секој шо знај многу сака да знај уште.
824. Ми је мило ем драго оти сум сторил добро за тебе.
825. Различни чоечки природи на кои чоек треба да им се прилагодуа кога је обусловен од интересо, работата и парите.
826. Свето го кројат големи силници за сметка на мали слабаци кои не умеат, не знаат али не сакаат да бидат самостојни и независни.
827. Брз им ј е живото на оние шо не помислуаат оти нему му треба одморање за здравје.
828, Ако некоаш имало љубов, не можи да ја нема али некоаш да ја снема.
829. Не прашуај шо ми фали. Прашај дал` има нешто шо не ми фали.
830. Тебе да ти је добро ем убоо. За мене не се секирај.
831. Мртви се одамна, а вие пробуате да им поможите да заживеат. Ко да не можите без ними!
832. Чоечки је појќе да се учи од свои, а не од туѓи грешки. Кога се знаат и едните и друзите.
833. Секоаш да сме понапред од оние шо се напред! Инаку секоаш ќе бидиме назад.
834. Станале шарени, а свето им је црно-бел.
835. Би сакале да сме заедно, ама немаме шо да споделиме.
836. Создаам дело на кое брго забораам откога ќе го создаам. За да создаам друго.
837. Секого бидуа за некој бизнис. Во кој ќе се пронајди себеси и ќе го работи со жар.
838. Шо оти пишуаш кога те читаат неписмени и полуписмени?!
839. Умо царуа кај шо нема послушни на власт кои владеат со свои понизни слуги.
840. Секоаш имало и ќе има некој али некои шо не смеат да се забораат ко големи лујѓе.
841. Нема кој да почне прв. За то треба јунаство.
842. Не ќе је на арно за тебе кога можиш со друзи оти никако не можиш сам.
843. Саде тебе ти чини, а на сите друзи не?! Мора да ти је нешто скришно, матно али исповалкано.
844. За права љубов нема крај. Без оглед на сѐ.
845. Зборојте и кријат и откриваат ако се разбираат.
846. Еден има три чисти, а никој од оние со него и околу него нема ниту една.
847. Вербата во себеси поттикнува борба против просечноста.
848. Види до каде и дал` можиш, па потем процени најмногу до кога.
849. Евтино је али скапо чим не му ја знајш правата вредност.
850. Не ни се пишуа добро сѐ дур` ни је здравјето за пари, а не парите за здравје.
851. Ќе биди сѐ по ред ако не ти је од друзи наредено.
852. Вредноста никому не му се натура. Кога-тогај ќе биди препознаена.
853. Чоештина се има и се изразуа со лујѓе.
854. Одовде до овде али назад, кога веќе не можи напред.
855. Најсетне остааш трага шо не води до тебе.
856. Живото је скала по чии скалила се искачуаш угоре сѐ дур` си во снага. Потоа је многу важно да се симињаш бавно, скалило по скалило, за да не се струполиш наземи.
857. Снеможуаш, ама не се предааш на себеси.
858. Самост во сѐ подлабока тишина.
859. Сѐ појќе преташ оти се разгоруа огно под твојте нозе.
860. Во љубов со љубов најмногу за љубов.
861. Обградени ем обѕидани за во самодоволност.
862. Заедно дури сме си требни едни на друзи.
863. Од мене за некого по малу за сѐ и сешто, а многу за едно нешто.
864. Полесно је да се почни кога се знај заошто и до кога.
865. Да те нема кај шо не си требен.
866. Сосредоточи ги умо и снагата на она шо треба да ти биди прво. Сѐ друго ќе си дојди само на ред.
867. Јас ум неуморен оти сум посветен саде на она шо го сакам.
868. Ме лути многу лажгата, а уште појќе самозалажуањето.
869. Не сум нигде ко да ме има сегде.
870. Борбата за власт је беспоштедна. Поготово кога ја водат некои од оние шо не умеат да владеат ни со себеси.
871. Никоаш не се најдуам во лујѓе на кои е очевидно оти сум им одвишен али им пречам.
872. Прво поможи си сам, па после барај помагајње од оние шо можат и ти се блиски.
873. Ич не чини ти сиромав меѓу ептен богати и ептен сиромашни.
874. Никоаш не се можело, нито се можи како досега кога не се знај како отсега.
875. Си минат деној и ноќој без да се мени нешто во времево шо го живејме? То је зато шо ние нејќеме да се менуаме.
876. Плачи една убост за љубов изгубена.
877. Вреди создаање на благородно дело.
878. Права казна за крадец на украдено од народо је да го врати украденото и да работи за него соодветно за колку шо украл.
879. Џабе им се срдиш. Не ги бива, и то је.
880. Навиките си се навики, ама ич не чини да ти се во едноличие.
881. Ако чекаш, можи да не дочекаш, па дури и да те начекаат.
882. Во празно бесцелно.
883. Ја било ја не било, сѐ појќе исто ми се фаќа.
884. Не знам, а и нејќам да знам до кај сум.
885. Истрајно во грди времиња и надеање да се дочекаат убај. Инаку самио ќе се струполиш обеснажен.
886. Ќе напрајш проблем шо ќе се решава долго оти те платиле да го напрајш.
887. Те гледаат, те слушаат и се мајтапат со тебе, а ти мртов ладен!
888. Признај си оти не те бива, та ќе ти биди многу полесно.
889. Ќе биди предоцна за ними кога ќе разберат дека никој не стасал далеку со пакости.
890. Чоек не влегуа во куќа недомаќинска.
891. И еден огон је достаточен за пеплосуање.
892. Љубов беспримерна трае во срце чоечно.
893. Отворена рана печи, боли и долго не здравеј.
894. Неарни во умо од усти погани истураат секакви глупости, а не им фали ни влакно на глајте. Напротив, немаат ни срам ни перде оти се дебело платени со народни пари.
895. Работи и збори малу ама многу.
896. За неверуање је колку можи прав чоек за чоек.
897. Создаам дела ко да ќе ме нема утре.
898. Не се споредуаме оти сме си свои.
899. Некои нешта мора да се кажуаат многупати и секако. Оти се важни за самио живот.
900. Он има ко да нема, а он никоаш нема колку шо му треба.
901. Изумира народ без потомци за живот утрешен.
902. Биди за без да бидиш против.
903. Од врв на врв од раѓање до смрт.
904. Животворност со достојание и смирение.
905. Ќе ти докажам со време оти сега сум во право.
906. Ме држи испраен мојо создаачки дух.
907. Секому му је требна дружба за меѓусебно спомагање.
908. Љубовта се изразуа со зборој али молчешкум, но секако со дела.
909. Кога је дено пред тебе, ноќта иди по тебе.
910. Не да им се смејш, ами да ги жалиш оние на кои не им је до смејање.
911. Остани кај шо си, да те видам!
912. Далеку сум пред друзи, а до кај ќе стасам-то саде Госпо знај.
913. Шо си се унервозил, бе чоек? Немој таков со лујѓе.
914. Жално је шо не ви иди во умо колку сте му криви на народо. Нито ќе ви дојди.
915. Излишно је да се виѓаваме чим не се познааме.
916. Ај да се договориме, па после секој на своја страна.
917. Му дозволија странци да го испокради народо и после да кидне.
918. Врзани ви се рацете? А не ви беа кога баравте да ви веруаме оти ве бива за оправуање по сѐ шо друзи растурија и расипаа?
919. Ќе се изгориш еднаш, ќе се изгориш двапати, ама треќио пат пепел ќе се сториш.
920. Послушен си им на будалишта оти и ти си иста сорта.
921. Џабе им докажуаш кога нит’ во едно уво им влегуа, нит’ има шо да им излези од друго.
922. Си легнуаш на брашното оти друзи ти го сомелија.
923. Со поматен ум на власт се владеј матно.
924. Ништо со тебе, ако ти је само да се најадиш и напиеш.
925. Фати си го пато дури је уште твој.
926. Те научиле каков си, та лесно со тебе.
927. Не си зијан од купи-продај чим знајш како да го заебиш купуачо.
928. Нема работа, а бараш да ти се плати појќе од шо не работиш.
929. Се лажиме оти не сме се сакале зато шо ни је така полесно.
930. Ништо не чини, а тебе никоаш не ти било поарно!
931. Само да ни тргни. После лесно ќе тераме.
932. Назадгазум нема да стасаш далеку.
933. Многу ми је мило ем драго шо се видовме. Иако не се познааме.
934. Му стааш сопки на чоек кој си фатил свој пат.
935. Голема работа је да почнуаш наново.
936. Не ти је криво времето шо навреме не си го напрајл да биди твое.
937. Те праат многу грешен грешните мисли шо ти се вртат во умо.
938. Заборај ме чим не ме поднесуаш без никаква причина.
939. Диви избркаа питоми од својте огништа и ги угаснаја огнојте во ними.
940. Многупати сум ти рекол и па ќе ти речам:
Не се мајтапи со грубата стварност. И тебе ќе те огруби.
941. Ти збори си во ветар, а они ќе си го истуркаат својто докрај.
942. Било некоаш за некои шо биле. Сега је за некои шо мислат оти од ними почнуа свето.
943. Стори ниет да се најдиме, па во ова шо је некако заедно да се снајдиме.
944. Ти прекипе од шо је пресилен огно во тебе.
945. Љубовта, лујѓе мои, је за лујѓе со лујѓе.
946. Живото не је падни-стани за оној шо чекори во него со стамен чекор.
947. Клетва:
Да легниш и да не станиш дур’ си жив.
948. Прво опрајте се, па после прајте ко шо треба.
949. Не сме ни малу ни многу заедно.
950. Се прашуаме шо ли ни се спрема утре, а они веќе ни спремаат за задутре.
951. Не је лесно да си прв, ама је најтешко да си последен.
952. Не мачи се да му го преземиш мајсторлако на мајсторо. Биди жив среќен ако му го научиш.
953. Се осилиле, та збеснале.
954. За денес, ама да биди и за утре.
955. И камено се крши кога го удираш со сета сила.
956. Никоаш сѐ на виделина. Зато шо ќе нема заошто да има мрачнина.
957. Лесни ми се годините оти нит` ги мислам нит` ги зборам.
958. Tе крие стравo да не те откријат.
959. Немој на сметка на друг. На крајо ти ќе ја платиш.
960. Има сѐ, само не она шо му треба.
961. Преумора од љубов скрита.
962. Бегаш, а никој не те брка. Значи, бегаш од себеси оти не ти је ко шо си се надеал.
963. Он лажи за да не се открие оти кради.
964. Сѐ исто, само смотано различно.
965. Си рекол шо си рекол. Ај сега доречи али одречи.
966. Моето ќе го напраам, па шо сака нека биди.
967. Се живеј секако и се преживуа некако.
968. Не било дамна чим се повторуа вака али онака.
969. Стојам испраен на ветромет шо трај..
970. Ја не се препраам оти то не ми треба.
971. Се настрвиле ѕверој околу народ со длабоки корени на своја исконска земја.
972. Ти не си за во толпа, а не си ни за пред неа.
973. Ако му мислите добро на вашио предводник, најпрвин натерајте го да научи за да не треска глупости.
974. Јасно је шо сте намислиле, ама то веќе не ви проаѓа кај вашите тутори.
975. Многу сте им назад и немаат време за чекање да им се приближите.
976. Да не се заборај горчливо искуство.
977. Во меѓувреме станало предоцна за голема невозвратена љубов.
978. Ја докрај настрана од сѐ шо је минливо.
979. Го догледуаат оддалеку на својо врв.
980. Сѐ шо течи менуа и се менуа.
981. Труди се да узнајш навреме за да бидиш спремен.
982. Ич не ми је лесно, ама не се даам.
983. Ако ти умри јазико и ти ќе умриш.
984. Стави прст на чело пред да почниш шо било.
985. Ти ја убија полетноста за ништо со тебе.
986. Барај борба чим си сигурен оти ќе победиш.
987. Ти најмногу си крив оти никој не те есапи ни за жив.
988. Не арчи се залудно. Имај заошто.
989. Си напрај свое огниште за некоаш да се врати крај него и во него свој огон да распали.
990. Немој секако и вака али онака. Саде вака и никако поинаку.
991. Не ти је дораснат, а се перчи ко петел на буниште.
992. Грдости од убајни не се откажуаат.
993. Доста ми је да те немам, љубов. Сакам да се имаме.
994. Ништо не знајте за мене, а одите по мене.
995. Нечие време по мојто ќе покажи и докажи шо и колку вреди од мене создаеното.
996. Тргај ми се од пато ако нејќеш со мене.
997. Ако је за прао, не дозволуај да се искриви.
998. Не се јуначи пред јунак. Ќе те напрај сам да не се припознааш.
999. Меѓу грижен и јадосан се нашол пеплосан.
1.000. Прибидејќи им нема спас, да ги остајме лажговците да се лажат меѓусебно.

МОИ НАРОДСКИ ИЗРЕКИ IX