Во македонските митолошки песни често се среќаваат самовили, змејови, ламји, русалки и други суштества. Тие често имаат човечки облик.
Песна за немирниот дух на една самовила:
Самовила оро вила
Самовила оро вила,
оро вила на планина.
Свекрва е викум викат:
– Самовило, снао мила
пушчи оро дојди дома,
от` ти плачит м`шко дете!
– А, свекрво, мајко мила!
Ќе ти пушча овца с млеко,
да нацицат м`шко дете:
ќе ти пушча тивка роса,
да иск`пит м`шко дете;
ќе ти пушча тивки ветер,
да заљељат м`шко дете.
VOX POPULI-ГЛАСОТ НА НАРОДОТ
