63. Гајле
-Мислиш дека ми е гајле за тебе?
-А ти мислиш дека мене ми е гајле оти ним не им е гајле?!
64. Рамнодушие
-За што си создал грандиозно дело?
-За горење и пеплосување!
65. Разграбување
Невиден грабеж властодржачки пред пропаст на државата.
66. Во бестрага
Ни род ни пород во бестрага.
67. Ниеден
Нема ниеден што ќе грмне, ќе ги здрви и пуздер ќе ги стори.
68. Играчки
Сè поголеми купишта дребнавости и непотребности.
69. Изродници
Со безвредни пари изродници купуваат безвреден живот.
70. Плашливи
Слуги плашливи им слугуваат на аздисани богатници.
71. Нашето
Нашето е нивно дури со ум и сила не си го повратиме.
72. Судот на народот
Судот на народот најнакрај ќе ви суди и пресуди.
73. Убави и пакосни
На убави луѓе пакосни им се настрвиле.
74. Љубовџии
Љубовџии се кријат едни од други или се прават дека не знаат едни за други.
