Можно ли е да нема љубов
во човечко срце во човек
на кои било години сам
како огон во пустошија.
Он сведочи дека е можно
со своето постоење
со својот опстанок
сè до овој последен миг
на свесност замислување
и неизвесност.
Впрочем,
последно што изгуби
пред да стане огон
беше токму
последната љубов
во неговото човечко срце.
Која гаснеше болно
бескрајно долго
најдолго од сè што досега
гаснело во него пред него
и заедно со него.
Негова прва последна
таена љубов непокорна
непорочна непобедлива.
ОГОН ВО ПУСТОШИЈА, Замислувања, поетска студија, 79
