311. Гледач
Пред тебе
се гледаш.
312. Спремен
Сега да тргнеш напред
зашто веќе нема досега.
313. Тркало
Се тркала тркало
удолу нескршливо.
314. Нова руба
Облекла нова руба
со сончеви зраци.
315. Рид
Се извишил рид над
скоро умрен град.
316. Ситост
Му е одјадено сè
од горчлива ситост.
317. Многу малку
Никој не слути дека допрва
ќе биде сешто многу малку.
318. Друштво
Се собрало избрано друштво
за нова делба пред разделба.
319. Мрачна одаја
Кој влегол во одајава прво
се прашал зошто е мрачна.
320. Стигна
Сепак стигна навреме
на крајот на животот.
БИДУВА, поезија/двостишија, 311-320
