СОДРЖИНАТА Е ВО ЗБОРОВИТЕ И ЧЕСТО СЕ ЧИНИ ДЕКА НЕ МОЖЕ ДА СЕ РАСКАЖЕ СО ЗБОРОВИ, ГИ ПРЕДУПРЕДУВА ОН ОНИЕ ШТО ОД НЕГО ВЕЌЕ ЈА НАУЧИЛЕ СУШТИНАТА НА ГЛАСНИТЕ И БЕЗГЛАСНИТЕ ЗБОРОВИ. ОНИ ТОА ГО РАЗБИРААТ НЕ КАКО ПРЕДУПРЕДУВАЊЕ, ТУКУ КАКО НЕГОВ ПОВИК ДА НУРНАТ ВО НИВ.
ЕДЕН ОД НИВ ГО ПРАШУВА КАКВА Е СПОРЕД НЕГО ВРСКАТА НА СОДРЖИНАТА ВО ЗБОРОВИТЕ И НИВНАТА СУШТИНА КАКО ГЛАСНИ И БЕЗГЛАСНИ. ОН МУ ОДГОВАРА:
-ТОА Е МНОГУ ДОБРО ПРАШАЊЕ. НЕ Е ЛЕСНО ДА СЕ ОДГОВОРИ…ВРСКАТА Е ВО, А НЕ МЕЃУ ЗБОРОВИТЕ. ОД ДРУГА СТРАНА, ПАК, НИВНАТА ГЛАСНОСТ И БЕЗГЛАСНОСТ ЈА ИЗРАЗУВААТ ВРСКАТА МЕЃУ НИВНАТА СОДРЖИНА И НИВНАТА СУШТИНА.
ЕДЕН ОД НИВ ГО ПРАШУВА ДАЛИ ПРИТОА МИСЛИ НА ПОЕЗИЈАТА ВО КОЈА ЗБОРОВИТЕ ИГРААТ СЕКАКВИ ИГРИ, ИНСИСТИРАЈЌИ НА НИВНА АПСОЛУТНА СЛОБОДА. ОН МУ ОДГОВАРА:
-МИСЛАМ НЕ САМО НА ПОЕЗИЈАТА, ТУКУ НА СĖ ШТО СЕ СОЗДАВА СО ЗБОРОВИ И ВО ЗБОРОВИ. ПРИТОА, АКО ЈА ИМАТЕ ПРЕДВИД СОДРЖИНАТА КОЈА СЕ ЧИНИ ДЕКА НЕ МОЖЕ ДА СЕ РАСКАЖЕ СО ЗБОРОВИ, ИГРИТЕ ШТО ГИ ИГРААТ ТИЕ ВО ИМЕТО НА АПСОЛУТНОСТА НА СВОЈАТА СЛОБОДА СЕ СЕКОГАШ И БЕЗ ИСКЛУЧОК МНОГУЗНАЧНИ И ПОВЕЌЕСЛОЈНИ. СМЕТАМ ДЕКА ВО ТОА НАЈМНОГУ СЕ ПОТВРДУВА ИНДИВИДУАЛНАТА ТВОРЕЧКА ЕНЕРГИЈА.
ИМА ЗНАЧЕЊЕ ТОА ШТО Е ОН ПОЕТ ПОСВЕТЕН НА ЛИРСКАТА ПОЕЗИЈА. ОНИ СЕ НЕГОВИ КРИТИЧАРИ.
НАСЛОВИ (СĖ ВО НАСЛОВ), насловна проза, 81