НЕГОВАТА СМРТ КОНЕЧНО ЈА ОСЛОБОДИ ПО МНОГУ ГОДИНИ. КОЛКУ ГОДИНИ? БРОЕНИТЕ СЕДУМ, А НЕБРОЕНИТЕ КОЈЗНАЕ КОЛКУ. КАКО ТОА СМРТ ДА ОСЛОБОДУВА?! МИ РАСКАЖА И ЈАС НАКУСО ПРЕРАСКАЖАВ:
НЕМАЛО НИКАКОВ ЗНАК ДЕКА ЌЕ ДОЖИВЕЕ МОЗОЧЕН УДАР КОЈ ДО СМРТ ЌЕ ГО ЛЕГНЕ ЦЕЛОСНО НЕПОДВИЖЕН ВО ПОСТЕЛА. ДУРИ СО ОТЕЖНАТО, МАЧНО И ИЗМАЧУВАЧКО ХРАНЕЊЕ НИЗ ПОДОТВОРЕНА УСТА И ГАСНЕЊЕ ЖЕД СО ЦЕВЧЕ.
КАКО КОМУНИЦИРАЛЕ МЕЃУСЕБНО? КОМУНИЦИРАЛЕ?! НИВНАТА КОМУНИКАЦИЈА СЕ СВЕДУВАЛА НА НЕЈЗИНИ ПРАШАЊА И НЕГОВИ ОДГОВОРИ СО ТРЕПНУВАЊЕ НА ОЧИТЕ. КРАТКО НЕ, ДОЛГО ДА. САМО ТАКА? ДА, САМО ТАКА. ЦЕЛИ БРОЕНИ СЕДУМ ГОДИНИ, А НЕБРОЕНИ КОЈЗНАЕ КОЛКУ.
ТАА ЗНАЕЛА КОЛКУ Ѝ БИЛО ТЕШКО, ИАКО СЕ СОГЛАСУВАЛА ДЕКА ГРИЖАТА ПО ГОДИНИ СТАНУВА СĖ ПОМАЛА ПРЕОЃАЈЌИ ВО НАВИКА. А ЗНАЕЛА КОЛКУ МУ БИЛО И НЕМУ. ПО СЕКОЕ ЧИСТЕЊЕ И МИЕЊЕ НА НЕГОВОТО ВКОЧАНЕТО ТЕЛО, ШТО ЈА ИСТОШТУВАЛО ТОЛКУ ДА НЕ МОЖЕЛА НЕКОЛКУ ЧАСА ПОТОА ДА ИСПРАВИ СНАГА. ТОЈ ЈА ГЛЕДАЛ ДОЛГО НИЗ СОЛЗИ, СО БЛАГОДАРНОСТ.
Ѝ ОЛЕСНАЛА НЕГОВАТА СМРТ? ПОТОЧНО Е ДА СЕ КАЖЕ ДЕКА СМРТТА ГИ ОСЛОБОДИЛА ОБАЈЦАТА. СЕ РАЗБИРА ДЕКА Ѝ НЕДОСТАСУВАЛ, САМОТИЈАТА Ѝ СТАНУВАЛА СĖ ПОТЕШКА, ПОМАЧНА И ПОИЗМАЧУВАЧКА, ЕДЕН ЦЕЛ ЖИВОТ. ЕДЕН СО ДРУГ И ЕДЕН ЗА ДРУГ. НО, ОСЛОБОДУВАЊЕТО…
ЈА ЗАМОЛИВ ДА МИ ОДОБРИ СĖ ДА РАСКАЖАМ ДЕТАЛНО ПО НЕКОЕ ВРЕМЕ ОД НЕЈЗИНАТА СМРТ. МИ ОДОБРИ.
НАСЛОВИ (СĖ ВО НАСЛОВ), насловна проза, 78
