Никаде наоколу
близу и далеку
во пустелијава
нема друг жив
човек единствен.
Верувајте ми
оти сум јас тој
сеедно случаен
сеедно намерен.
Мене не ми е
никаков проблем
тоа
што сум јас жив
човек единствен
во пустелијава
ниту дека сум
последен.
Човек единствен
кој нема со кого
ни збор да скрши
ни молк да пресече
миг да сподели.
До кога он или јас.
Речиси сум сигурен
дека нема уште долго
по прв залез на сонце
или
пред последен изгрев
на морна тишина.
ВНАТРЕШНИ СОДРЖИНИ, Пустелија, поетска студија, 8
