154. Добронамерност-Добродушност

И добронамерноста во нашиов свет и добродушноста во нашево време како да премалуваат пред наездите на зломислата, злонамерата и бездушноста. Сè погруба, сè погрда стварност, сè побезвреден живот и сè побезначајна смрт. Човекот во човекот сè помолчалив, помалодушен, порамнодушен, побезизразен, побезгласен. Веќе тешко препознатлив.

Тешко ли е да се биде добронамерен? Зошто тешко?! Полесно е злонамерен? Како полесно? И тешко и никако полесно најмногу поради завладувањето на личната и колективната омраза во нашиов свет сосе нашево време.

Добродушниот човек, пак, најчесто е незабележлив, а злоупотребен. Одамна поразен од суровоста на опстанокот. Речиси пред исчезнување.

Ако не ги барате, ако не ви се потребни, барем потсетете се некогаш на вредностите на добронамерноста и добродушноста. Особено кога се заедно и истовремени.

Македонски народни пословици и изреки

Евангелието кој не го слуша, нема добра душа.

Јас душата си ја давам за пријателот.

Којшто си пастри устата, тој си пастри душата.

Палецот и душа жива ако немаше чоекот, тој скот ќе си беше.

Парата е за чоека душа.

Рани душа да те слуша.

Пословици и изреки од народи на светот

Со претерана добродушност нема да дотуркаш далеку. (Суданска)

Латински изреки

Зашто тој не доби од неа помалку добронамерен дух за услуга. (Nec enim ab ea minorem animi benevolentiam pro beneficio accepit.)

Принципи кои треба да се усвојат за да се добие добра волја; наративи кои треба да се отсечат кои се повредливи или да се остават ако се целосно проблематични; темели. (Sumenda principia ad benevolentiam conciliandam; narrationes aut amputandae quae laedunt, aut relinquendae si totae sunt molestae; firmamenta.)

со волја за искуство; зашто повеќе би сакал, кога ќе се согласам со твојата трудољубивост, да ја сакам мојата разумност од тебе, отколку, да не го направев тоа, мојата добронамерност. (experiendi voluntate; malo enim, cum studio tuo sim obsecutus, desiderari a te prudentiam meam quam, si id non fecerim, benevolentiam.)

Зашто љубовта, од која е именувано пријателството, е принцот да ја обедини добронамерноста. (Amor enim, ex quo amicitia nominata est, princeps est ad benevolentiam coniungendam.)

Домисла, гесло, мисла водилка

Добронамерниот човек сам на себеси си прави добро.
Талмуд

Рекле, издумале

Допушти да ја запалам мојата светилка, рече малата ѕвезда, не прашувајќи дали тоа ќе ја пробие темнината.
Рабиндранат Тагоре

Кој сака да е корисен, а не може, е подеднакво заслужен.
Публилиј Сириј

Должност на добронамерниот човек е прво да се посоветува, па потоа да исправува.
Публилиј Сириј

Бидете од оние што го унапредуваат светот и го прават подобар.
Фридрих Вилхелм Ниче

Човекот во извесна мера учествува во добри дела кога ги фали од срце.
Франсоа Ла Рошфуко

Во човекот не е ништо покршливо од неговата скромност и добронамерност.
Фридрих Шилер

…чувствуваме многу за другите и малку за себе; да ја зауздаме нашата себичност и да ја покажеме нашата добронамерност е совршенство на човечката природа.
Адам Смит

Правдата и добрата волја ќе ја надминат страста.
Џејмс Гарфилд

За да се знае Париз, како и целиот свет, потребно е слободно срце, бистар ум, добронамерност кон другите народи и, се разбира, отсуство на фалење и вообразеност.
Константин Паустовски

Сочувството е емпатија плус добронамерност: разбирате како се чувствуваат и им посакувате добро.
Оливија Фокс Кабејн

Човечката добронамерност е целосно неправедна. Ние не живееме во љубезен или дарежлив свет, но сепак сме љубезни и дарежливи.
Роб Шефилд

Ненасилната техника не зависи за нејзиниот успех од добронамерноста на угнетувачот, туку од непрестајната Божја помош.
Цезар Чавез

Реформирање на правдата со добра волја-односно со разбирање-е мотото на секоја правосудна организација.
Халиде Едип Адарвар

Не обрнувајте внимание на него. Добродушен е еднаш годишно и тој ден помина.
Александар Бракен

Сите знаат дека сум само голем, добродушен тип. Еднаш или двапати ме опишаа како лесен комичар.
Бинг Крозби