246. Не е исто
Играта заврши или завршува?
247. Нема двојба
Огнот против ништењето народ допрва ќе се разгорува и долго ќе биде неугаслив.
248. Невешто
Се преправаат дека не се длабоко загрижени за што ќе им се случи преку ноќ, а не им успева ни со арогантни маски лицата да си ги покријат.
249. Непромислено
Се однесуваш како собитијата да не те засегаат, како да не те ни допираат.
250. Предоцна
Шутите и рогатите веќе немаат време за нови дворски игри.
251. Ни срам ни перде
Немате ни срам, а ни перде зад кое би можеле барем времено да се прикриете.
252. Неверна љубов
Не може две големи и длабоки љубови во една.
253. Неписмени ем недоветни
А бре политичари и државници, толку ли сте неписмени ем недоветни што не разликувате држава од општество, народ и малцинства од нација, граѓанин од државјанин и припадник на нација со потекло од друга држава или народ?!
254. Замајување
Кучињата касаат, карванот си врви.
255. Грди
Не само што не се со чисти образи, ами се и безобразни.
256. Злосторници
Трујат народ, владеат измеќарски и ги полнат дисаѓите со валкани пари.
257. Нож
Не ни дошол, туку ни зарија нож до коска!
258. Безвреден
Безвреден живот без вредности.
259. Дамна минато
Одамна е време за време без вас, идиоти на власт!
260. Сиромав тепан недотепан
Оној што нема, има уште за оној што има.
261. Дури не е предоцна
Собирајте се за да не ве собираат еден по еден.
262. Берете ум, властољупци
Довербата на народот не е за власт, туку за негово добро.
263. Матната
Матната река е немирна и често ја поплавува околината.
264. Самозалажување
Вие очекувате сами да паднат, па во мрачнина да потонат?!
265. Не до кога
Веќе не до кога, кога е скоро предоцна сега.
266. Сам и свој
Кај што нешто свршувам, таму ново почнувам.
267. Кој поразен?
Тој ти се нафрла со гнев, ти рамнодушен и студен.
268. Творечки дух
Присутен, препознатлив меѓу вас и со вас, а си го гледа патот невидлив.
269. Бегај
Сум ти здодеал?! Бегај од мене!
270. Интересот
Немам интерес за вашиот интерес.
271. Па добро
Велиш дека ме почитуваш и цениш, а не постојам за тебе!
272. Сега и после
Уште некое време жив, а после за кого како.
273. Една совест
Ни дење ни ноќе око не склопува една нечиста совест.
