ЗНАМ, ЧОВЕКУ, ТИ НЕМА ДА МЕ ПОСЛУШАШ АКО ТИ ПОРАЧАМ ДЕКА Е КРАЈНО ВРЕМЕ ДА ЈА ЗАБАВИШ БРЗАНИЦАТА ВО ЖИВОТОТ. ТИ УШТЕ ОД МАЛИ НОЗЕ ЈА ПРИФАТИ КАКО НАЧИН НА ЖИВОТ, НА ДЕЈСТВУВАЊЕ, РАБОТА, ТВОРЕЊЕ, ПА КАКО РАСТЕШЕ, КАКО СОЗРЕВАШЕ СЕ НАВИКНУВАШЕ НА НЕА. ЗА СЕГА ПРОСТО ДА НЕ МОЖЕШ ПОИНАКУ. ТИ ВЛЕГЛА ВО КРВТА, ТЕ КОМАНДУВА ДЕЊЕ-НОЌЕ. НЕ ТЕ ОСТАВА ДА ДИШЕШ СЛОБОДНО, НИ ДА ВОЗДИВНЕШ.

НЕ ПРИФАЌАШ, ЧОВЕКУ, ДЕКА БРЗАНИЦАТА ТЕ ТРОШИ И ФИЗИЧКИ И ПСИХИЧКИ, ТЕ РАЗБОЛУВА НЕИЗЛЕЧИВО, ТЕ РАЗНЕБИТУВА, ТЕ НИШТИ. ДУРИ ТЕ РАЗНЕБИТУВА, ДА, ДА. БРЗАШ, БРЗАШ, А Е ВЕЌЕ СОСЕМ СЕЕДНО КАДЕ, КОН КОЈА ЦЕЛ, ДО КОГА.

ЗАБАВИ, ЧОВЕКУ, ЗАБАВИ. НЕ МЕ ПОСЛУШУВАШ, НО БАРЕМ САМО ЧУЈ МЕ:КОЛКУ ПОЗАБАВЕНО ГО ЖИВЕЕШ ЖИВОТОТ, ТОЛКУ ОН ЌЕ ТИ ТРАЕ ПОДОЛГО, ПОЗДРАВО, ПОСМИСЛЕНО И ПООБМИСЛЕНО. ГО ЗНАЕШ ТОА? ДОБРО, АМА ОВА СИГУРНО НЕ: ВРЕМЕТО НЕ ТЕ БРЗА, ТУКУ ТИ СЕКОГАШ ГО НЕМАШ ДОВОЛНО ЗАТОА ШТО И СВЕСНО И НЕСВЕСНО ГО БРЗАШ. ТИ ДО НЕКАДЕ, ТОА КОН НИКАДЕ.

ГО ПАМЕТИШ БОРО БРЗАКОТ, ЧОВЕКУ? ДА? А НЕ СИ ЧУЛ ДЕКА Е ВЕЌЕ ДАМНА МРТОВ? НЕ? ПРЕТПОСТАВУВАШ КАКО И ОД ШТО? ДА, ДА, ГО УБИ БРЗАНИЦАТА. СЕГДЕ БРЗАШЕ, ТРЧАШЕ, БЕШЕ БЕЗ ПРЕСТАН ВО ГРЧ. СЕКОГАШ И ЗА СĖ МУ ФАЛЕШЕ ВРЕМЕ. ТАКА Е, УМРЕ ПРЕДВРЕМЕ.

ЗАБАВИ, ЧОВЕКУ. НЕ ВЕЛАМ КОН СЕГДЕ ДА ОДИШ БАВНО, ЧЕКОР ПО ЧЕКОР, СĖ ДА ПРАВИШ И СОЗДАВАШ КАКО ДА ТИ Е СЕЕДНО ДАЛИ ЌЕ ЗАВРШИШ. САМО ТИ ВЕЛАМ, САМО ТЕ МОЛАМ БАР МАЛУ ДА ЗАБАВИШ. БРЗАНИЦАТА НЕМА НИКАДЕ ДА ТЕ ОДВЕДЕ И НЕМА НИШТО ОД ТЕБЕ ДА БИДЕ СОВРЕМЕ.

БРЗАНИЦАТА Е НЕМИНОВНОСТ НА ЖИВОТОТ ДЕНЕШЕН, ПОГОТОВО ЗА УСПЕСИТЕ ВО НЕГО? НЕКА Е ТАКА, НО ТЕБЕ ДЕНЕС ЌЕ ТЕ НЕМА. ВЕЌЕ ВО СЛЕДНИОТ МИГ.  

НАСЛОВИ (СЀ ВО НАСЛОВ), насловна проза, 56