Вината е тежок, ма најтежок товар за човек што е човек. Кој со признание може да му стане полесен, но не и сосем да се ослободи од него. И тоа доколку со признанието иде казна.

За виновникот вината е иста, сеедно колку е голема или мала. Кога е свесен за неа, кога свесно ја кренал на плеќи со намера да ја поноси некое време одовде до онде.

Има ли разлика меѓу чувството на вина и нејзината тежест? Тие се обусловени и последователни. Со таа разлика што чувството на вина обично трае подолго од самата вина кај оној што е виновен. Затоа што не успеал да ја одбрани својата невиност.

Без вина виновен? Нема друго, освен тоа да го докажува сè додека не го докаже.

ТИВКИ КЛОКОТИ, рефлексивни искази, 165