61. Мовче
Дрвеново мовче
над водава матна
за нас без брегови.
62. Цвеќиња
Разни цвеќиња
сегде околу.
Заспивам во нив.
63. На нож
На сечиво
на нож крвав
гасне воздив.
64. Мртви
Многу мртви
во спомени
одживувам.
65. Невидено
Разгори тело
на две камени срца
во студенина.
66. Камен во глина
Му дава живот
на глина безвремена.
Личи на човек.
67. Гола земја
На гола земја
легнала гола сила
во голи коски.
68. Гнездо
Гнездо и птица
под стреа на празен дом.
Без жива душа.
69. Шир
Чија шир била
за да биде некоја
несогледлива?
70. Застрашеност
Нешто неслучено,
се случува нешто
несомнено страшно.
СТРОГОСТИ НА ФОРМИ, песни со зададени зборови
