41. Како пак
Неповторливо,
не било како било
во постоење.
42. Минливо
Секогаш нема
што е видливо наше
во свет когашен.
43. Структура
Се гледа мрежа
ко од пајак плетена
околу срце.
44. Далечина
Дамна пустошна
некоја далечина
пред преумора.
45. За опстанок
Корен длабоко
семе фати совреме.
Земја во живот.
46. Напред
Напред уште сама,
меѓу рожба и дом
снеможена жена.
47. Дребнавости
Пред да заминеш,
со твои дребнавости
сам се збогуваш.
48. Јадро
Влезе во јадро
на сончевина,
благодарница.
49. Крадец
Многу спомени
украдени од крадец
насликан на нив.
50. Огледување
Се огледува
убава жена,
уморна сенка.
СТРОГОСТИ НА ФОРМИ, песни со зададени зборови
