Во еден кокошарник дошле пилци и на петлите им ги презеле квачките. Петлите се нашле во небрано, па се собрале да решат што да прават, да најдат чаре.
Еден од најактивните петли меѓу квачките:
-Пилците ни ги презедоа квачките. Демек нашето време поминало, дошло нивноѕо, па е нормално и квачките да бидат нивни.
Најстариот и најмудар петел:
-Во ваква ситуација јас знам саде за едно чаре: од утре рано насабајле да не се качуваме на буниште и со нашето кукуригање да ги будиме квачките. Па да видиме што ќе прават пилците со нив.
Како решиле, така направиле.
По неколку дена и ноќи во кокошарникот почнало да се случува нешто ем непожелувано ем неочекувано: квачките престанале да квачат јајца!
БАСНИ БЕЗ НАРАВОУЧЕНИЕ, сатиралии, 32
