22. Жив извор

Жив живот живеам
во жив свет
животворен;
заживувам, живеам,
доживувам, одживувам,
преживувам.

И одново заживувам,
и одново живеам,
и одново доживувам,
и одново одживувам,
и одново преживувам
во живо време
што живее живот
до нов живот.

Дамна сум жив,
а откога сум жив
живеев, живеам
и ќе живеам
за да живеам.

Во жив свет
жизнерадосен,
во мој жив свет
животворен.

Живот изворен
крај жив извор
за живи со живи.