ПОЧНИ НЕШТО ШТОМ СИ РЕШИЛ. НЕ ЗНАЕШ ДЕКА СЕКОЈ ПОЧЕТОК Е ВО РЕШЕНОСТА ДА СЕ ПОЧНЕ? ПОСЛЕ ЌЕ РЕШИШ КАКО ДА ПРОДОЛЖИШ.
НЕ САКАШ ДА ПОЧНЕШ ДА РАСКАЖУВАШ ОД ПОЧЕТОКОТ НА ТВОЈАТА РЕШЕНОСТ? ДОБРО, ПОЧНИ ОД ПРОДОЛЖУВАЊЕТО. САМО ДА ТЕ ПРЕДУПРЕДАМ ДЕКА ТАКВОТО РАСКАЖУВАЊЕ НЕ МОЖЕ ДА ИМА ОЧЕКУВАН И ЛОГИЧЕН КРАЈ.
ДОБРО, СЕ СОГЛАСУВАМ И СО ТОА КРАЈОТ ДА БИДЕ НЕНАДЕЕН И НЕЛОГИЧЕН. МАКАР ШТО НЕ МИ Е ПРАВО ОТИ НЕ ПРИФАЌАШ ПРОДОЛЖУВАЊЕТО ДА ГО ПОЧНЕШ СО ТВОЕ ПРЕТСТАВУВАЊЕ; ОД САМОИМЕНУВАЊЕ ДО ЖИВОТ ПО РАЃАЊЕ, РАСТЕЊЕ, СОЗРЕВАЊЕ, ИЗВИШУВАЊЕ И ПРОПАЃАЊЕ ВО ЖИВУРКАЊЕ.
ЗНАЧИ, РЕШИ ДА ПРОДОЛЖИШ ДА ЈА ЧИСТИШ ТВОЈАТА ВРВИЦА ДО ИЗВОР; ОД ТРЊЕ, ДИВИ ТРЕВИ, КОПРИВИ, ПАПРАТИ И ЛИЈАНИ. ВО МЕЃУВРЕМЕ ЌЕ ТРЕБА ДА ПРОБИЕШ НЕКОЛКУ ГОЛЕМИ КАРПИ ШТО НЕ МОЖЕШ ДА ГИ ЗАОБИКОЛИШ.
НАСЛОВИ (СЀ ВО НАСЛОВ), насловна проза, 10
