Некогаш
би рекол секогаш
во последно време
ми иде
да стојам во место
сè додека времиња
се менуваат
како да се во свои
без мои мигови
што значи дека
е доста
што сум уште
исправен
пред собитија
кои немаат крај
без свои почетоци

ми иде да заиграм
со мои зборови
сè уште толку
заедно слободни
што не е потребна
интерпункција
меѓу нив

ми иде
дури ми идеш.

ДУРИ ИГРААТ ЗБОРОВИ, Сосем слободни песни, стихозбирка, 8