ВЕЛИ ДЕКА ЉУБОВТА ДЕНЕС НЕ Е КАКВА ШТО БИЛА ВЧЕРА, ВО БЛИСКО И ДАЛЕЧНО МИНАТО. ВПРОЧЕМ, КАКО СĖ ДРУГО ВО ЖИВОТОТ. ТАА СПОРЕД МНОГУ ШТО Е РАЗЛИЧНА. СЕ РАЗБИРА, НЕ Е ПРВ ТОЈ ШТО ГО ВЕЛИ ТОА.
ГО ПРАШУВАМ ДАЛИ Е СЕГАШНАВА ПОГОЛЕМА ИЛИ ПОМАЛА ОД ВЧЕРА, ПОГОТОВО ЕДИНСТВЕНАТА ВО ЖИВОТОТ, А ТОЈ КАКО ДА ЗНАЕЛ ДЕКА ЌЕ ГО ПРАШАМ ТОА: ВЕЛИ ДЕКА ПРВО НИТУ ИМАЛО, НИТУ ИМА ЕДНА И ЕДИНСТВЕНА ЉУБОВ. НИТУ НЕКОЛКУ, АМИ МНОГУ. А ВТОРО, ДЕНЕС ТАА НЕМА МНОГУ ВРСКА СО ЖИВОТОТ. НАПРОТИВ, МОЖЕ ДА НЕМА НИКАКВА.
СЕ СОГЛАСУВАМ, ДОДАВАЈЌИ ДЕКА КОГА ВЕЛАМ ЉУБОВ ЈАС ПОДРАЗБИРАМ СЕКОЈА, СЕКАКВА, МИСЛАМ НА СИТЕ. МЕЃУТОА, КОГА Е ЗБОР ЗА ЕДИНСТВЕНА СМЕТАМ ДЕКА ИМАЛО, ИМА И ЌЕ ИМА ТАКВА СĖ ДОДЕКА ИМА ЧОВЕЧКО ВО ЧОВЕК. ДУРИ ТВРДАМ ДЕКА ТОКМУ ЕДИНСТВЕНАТА ЉУБОВ ИМА НАЈГОЛЕМА ВРСКА СО ЖИВОТОТ.
МЕ ПРАШУВА КАКО СЕ СОГЛАСУВАМ КОГА ОЧИГЛЕДНО НЕ СЕ СОГЛАСУВАМ И НЕ ЧЕКАЈЌИ ДА МУ ОДГОВОРАМ МИ ВЕЛИ САМОУВЕРЕНО ДЕКА СИ ПРОТИВРЕЧАМ НА СЕБЕСИ. ПА И СЕ ЗАНЕСУВАМ. ВЕЛИ САМОУВЕРЕНО ДЕКА ЕДИНСТВЕНАТА ЉУБОВ Е ОБИЧНА РОМАНТИКА ЗАТОА ШТО Е СЕКОГАШ ИЗБРАНА МЕЃУ МНОГУ И ВЕЛИЧАНА КАКО НАЈГОЛЕМА, НАЈВРЕДНА, НАЈДЛАБОКА, НАЈЧИСТА, НАЈНЕВИНА. КАКО СĖ НАЈ.
РЕШАВАМ. МУ ВЕЛАМ ДЕКА ДЕТАЛНО ЌЕ МУ ГИ РАСКАЖАМ СИТЕ МОИ ЉУБОВИ, ЕДНА ПО ДРУГА, НАСПОРЕДНИ ИЛИ СПРОТИВСТАВЕНИ НА ЖИВОТОТ, И ЌЕ ЈА ИЗДЕЛАМ ОНАА ШТО МИ Е ЕДИНСТВЕНА. СЕТНЕ САМ НЕКА РАЗМИСЛИ ДАЛИ СТАНУВА ЗБОР ЗА ЉУБОВ И ЖИВОТ ИЛИ ЗА ЉУБОВИ И ЖИВОТ.
МИ ВЕТИ ДЕКА ЌЕ МЕ СЛУША ВНИМАТЕЛНО.
НАСЛОВИ (СĖ ВО НАСЛОВ), насловна проза, 77