fbpx Прескокни до главната содржина

Кого мисли

Рубрики: Препев на пев и повев - поетска инсталација

Автор: Љупчо Димитровски

Препев на пев и повев

Он некого мисли задлабочен
во мисли,
они се прашуваат кого мисли
за некако да му помогнат,
барем да не мисли друг;
додека мисли кого ли мисли?

Ги лаже дека мисли дрво,
голо дрво, без кора дрво,
без корен дрво, без сенка дрво,
кое дамна нема срцевина;
они не му веруваат зашто
не може да мисли
дрво дамна без срцевина
бидејќи знаат: којзнае од кога
не му излегува пред очи
првата љубов во зрели години.

Нема кого друг да мисли,
освен неа да ја мисли.

Решава да не ги лаже повеќе,
за повеќе да не го прашуваат
додека мисли задлабочен
во мисли,
со поглед вперен во недоглед.

Они го прашуваат кого мисли
сега,
а он им одговара дека мисли
ненадејно исчезната љубов
во негови зрели години;
они го прашуваат каде,
он им одговара кај што нема
љубов,
којзнае колку далеку
од неговиот небосклон,
истовремено
од неговиот внатрешен свет.

ПРЕПЕВ НА ПЕВ И ПОВЕВ, Зрачат сни, поетска инсталација, 25

За авторот: Љупчо Димитровски

Долгогодишен радио и ТВ новинар, писател и медиумски уредник со повеќе од 40 години искуство во електронските медиуми. Автор е на над 150 книги и основач на порталот Panoptikum.mk, како продолжение на култната емисија „Паноптикум“, со силен фокус на комуникација и новинарство.

За повеќе написи од авторот кликни тука.

Важна напомена: Сите права се задржани. Не е дозволено какво било преземање, копирање, објавување или преработка на делови или цели содржини од овој портал без претходно одобрение од авторот, редакцијата и/или издавачот. За секоја повреда на авторските и сродните права, Паноптикум го задржува правото да побара надомест и соодветна правна заштита.

Уредничка напомена: Во подготовката на содржината може да се користи дигитална/AI асистенција како помошна алатка за јазична, структурна, истражувачка или визуелна обработка. Финалниот текст е уреднички прегледан и објавен под одговорност на авторот и/или редакцијата. Главната илустрација на написот може да биде фотографија, авторска/архивска слика или AI-генерирана концептуална илустрација создадена за визуелна поддршка на текстот.