ОДАМНА, ОД ПРЕД МНОГУ ГОДИНИ НЕМА НИШТО СМЕНЕТО ВО СВОЕТО ДЕНОНОЌИЕ. ПРЕД МНОГУ ГОДИНИ ГО НАПУШТИ НЕГОВАТА ДРУШКА, СО КОЈА ЖИВЕЕШЕ РЕЧИСИ ДВЕ ДЕЦЕНИИ, ОСТАНА САМ И РЕШИ ДА ОСТАНЕ ДО КРАЈОТ НА ЖИВОТОТ.

ИМ ДОДАДЕ НЕШТО НА СВОИТЕ НАВИКИ, ОД НЕШТО СЕ ОДВИКНА ГЛАВНО ПРИНУДНО, НО НИШТО НЕ ПРОМЕНИ ВО РЕДОТ И РИТАМОТ. СĖ ИСТО, ПОВТОРЛИВО ДЕЊЕ И НОЌЕ. РУТИНА.

ВО НАЈВАЖНОТО ВО ЖИВОТОТ НИШТО НЕ ДОЗВОЛУВА ДА СЕ ПОРЕМЕТИ: ЧИТАЊЕ КНИГИ ТРИ ПОПЛАДНЕВНИ ЧАСА. ТОЧНО ТОЛКУ. НИ МИНУТА ПОВЕЌЕ ИЛИ ПОМАЛКУ. ШТО ЧИТА? ЧИТА ГЛАВНО БЕЛЕТРИСТИКА, И ТОА ЗБИРКИ КУСИ РАСКАЗИ И РОМАНИ СО МНОГУ СТРАНИЦИ. ЕДНАКВО ОД ДОМАШНИ И СТРАНСКИ ПИСАТЕЛИ.

ШТО ЧИТА ВО МОМЕНТОВ? ВО МОМЕНТОВ ЧИТА АНТОЛОГИЈА НА СВЕТСКИОТ КУС РАСКАЗ. ПРИТОА НАЈИНТЕРЕСНО: ПО НЕКОЛКУПАТИ ГИ ЧИТА РАСКАЗИТЕ ВО ДВЕ-ТРИ РЕЧЕНИЦИ.

ОД СИТЕ ДОСЕГА ПРОЧИТАНИ, ВО МОМЕНТОВ СО ЗАДОВОЛСТВО МОЖЕ ДА ПОВТОРИ ЕДЕН ОД ЗБОР ДО ЗБОР. (НЕ ГО ПАМЕТИ АВТОРОТ ОТИ ТОА ВООПШТО НЕ МУ Е ВАЖНО.). СО НАСЛОВ: „РЕКА“:

„ ТЕЧЕ НЕИМЕНУВАНА МАЛА РЕКА ОД ДАЛЕЧЕН ИЗВОР ДО ВЛИВ ВО ГОЛЕМА ПРЕД ВЛЕВАЊЕ ВО ЕЗЕРО. НИКОЈ ОД ОНИЕ ШТО ЖИВЕАТ НА НЕЈЗИНИТЕ БРЕГОВИ НЕ ЗНАЕ ОД КОГА.

ОНИЕ ШТО ЖИВЕАТ НА НЕЈЗИНИТЕ БРЕГОВИ ВО ПОСЛЕДНИВЕ НЕКОЛКУ ГОДИНИ СЕ ЗАГРИЖЕНИ ПОРАДИ НЕЈЗИНИОТ ТЕК. ОСОБЕНО ЛЕТЕ ТОЈ Ѝ Е СĖ ПОБАВЕН И СĖ ПОСЛАБ“.

НАСЛОВИ (СЀ ВО НАСЛОВ), насловна проза, 49